22.02.2026 | 11:28
Առնվազն 10 հազար փոս ենք լցրել, միայն աղը չի պատճառը. քաղաքապետարանի շինբարեկարգման վարչության պետի ժ/պ․ ՏԵՍԱՆՅՈւԹ
Վրաստանը թույլ չի տա վերախորհրդայնացում. Զուրաբիշվիլի
Քաղաքականություն
15.04.2024 | 23:30
Վրաստանի նախագահ Սալոմե Զուրաբիշվիլին արձագանքել է «ռուսական օրենքի» դեմ Թբիլիսիում ընթացող բողոքի ակցիային։
Նախագահը, X սոցիալական ցանցում նկարագրելով Ռուսթավելի պողոտայում տիրող լարված իրավիճակը, խաղաղ բողոքի ցույցը և մյուս կողմում պատ կազմած հատուկջոկատայինների առկայությունը, գրել է․
«Քաղաքացիական հասարակության զանգվածային, խաղաղ ցույցերը «ռուսական օրենքի» դեմ Թբիլիսիում․ «Հատուկ ջոկատայինները» ջրցաններով պատրաստ են գործելու եվրոպական ապագան պաշտպանող քաղաքացիների դեմ: Ձերբակալությունները շարունակվում են: Վրաստանը թույլ չի տա վերախորհրդայնացում»,— «Ալիք մեդիայի» փոխանցմամբ՝ գրում է նախագահը։
Նշենք, որ Վրաստանի խորհրդարանի իրավական հարցերի հանձնաժողովը Ռուսթավելիի պողոտայում ընթացող բազմահազարանոց բողոքի ցույցին զուգահեռ առաջին ընթերցմամբ հավանություն տվեց «Օտարերկրյա ազդեցության թափանցիկության մասին» օրենքին, որը հայտնի է որպես «ռուսական օրենք»։
