16.05.2024 | 18:03
Կիրանցում գյուղացիները դարձյալ ճանապարհ են փակել, դժգոհ են սահմանազատման արդյունքներից
Խոզաբույծները պնդում են՝ Ռուսաստանից հիվանդ խոզեր են ներմուծվում. ՏԵՍԱՆՅՈՒԹ
Տնտեսություն
15.04.2024 | 20:56
Տարբեր մարզերից մի խումբ խոզաբույծներ այսօր հավաքվել էին ՍԱՏՄ շենքի մոտ։ Մի քանի ամիս առաջ Կոտայքի մարզում խոզերի անկման դեպքեր էին գրանցվել, պատճառը մինչ օրս հայտնի չէ։ Նմուշառում է կատարվել, պատասխանները դեռ չեն ստացվել։ Խոզաբույծներն անհանգստացած են անկման դեպքերից․ համոզված են՝ հիվանդություն է տարածված և չեն ուզում, որ դա հասնի իրենց խոզերին։ Բացի այդ, նրանք պնդում են, որ Ռուսաստանից հիվանդ խոզեր են ներկրվում, և անկման պատճառը կարող է դա լինել։
Խոզաբույծներին լսեց ՍԱՏՄ իրազեկման, խորհրդատվության և հանրության հետ տարվող աշխատանքների բաժնի պետ Անուշ Հարությունյանը։ Ասաց՝ փորձաքննության պատասխանները դեռ չկան, բայց հերքեց, թե խոզերը ներմուծվում են առանց փորձաքննություն անցնելու։
Պաշտոնյայի խոսքով՝ ներմուծումը իրավական նորմերին համապատասխան է, արգելել չեն կարող։
Մանրամասները՝ տեսանյութում։
Արփի Հակոբյան
