10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Ադրբեջանն արձագանքել է Արդարադատության միջազգային դատարանում ՀՀ-ի հայցին
Քաղաքականություն
15.04.2024 | 16:07
Ադրբեջանը կարծում է, որ ՄԱԿ-ի դատարանը իրավասու չէ քննել հայերի դեմ հանցագործությունների վերաբերյալ Երևանի հայցը։ Արդարադատության միջազգային դատարանում լսումների ժամանակ բանավեճի ընթացքում հայտարարել է երկրի ներկայացուցիչ Էլնուր Մամեդովը։
Ըստ նրա՝ մեղադրանքը չի մտնում նաև Ռասայական խտրականության բոլոր ձևերի վերացման մասին միջազգային կոնվենցիայի տակ, որին հայկական կողմը վկայակոչում է հայցադիմումում։
«Հայաստանի հայցերը, որոնք այս շաբաթ քննարկվում են դատարանում, ընդհանրապես չեն վերաբերում ռասայական խտրականության կոնվենցիային։ Դրանք վերաբերում են ռազմական հակամարտությանը, որը կապված է 1990-ականների սկզբից Հայաստանի կողմից Ադրբեջանի տարածքի գրեթե մեկ հինգերորդի անօրինական օկուպացման և ադրբեջանական ուժերի կողմից այդ տարածքների հետագա ազատագրման հետ»,- ասել է Մամեդովը։
Բաքվի ներկայացուցչի պնդմամբ՝ տվյալ դեպքում խոսքն ավելի շուտ մարդու իրավունքների ոլորտում միջազգային չափանիշների և միջազգային մարդասիրական իրավունքի մասին է։ Ըստ ադրբեջանական կողմի՝ Հայաստանը «չի կատարել վեճը երկկողմանի լուծելու համար Ադրբեջանի հետ բանակցություններ վարելու պայմանը»։
