16.12.2025 | 14:07
Քննարկում չկա. Ռուբինյանը` նոր երկաթգիծը ՌԴ-ի կողմից շահագործելու մասին․ ՏԵՍԱՆՅՈՒԹ
ԱՄՆ-ը հայտնել է ավելի քան 80 ԱԹՍ-ների ոչնչացման մասին, որոնք շաբաթվա վերջին Իրանից և Եմենից արձակվել էին Իսրայելի ուղղությամբ
Քաղաքականություն
15.04.2024 | 10:50
Շաբաթվա վերջին ԱՄՆ-ի եվրոպական հրամանատարության կործանիչների աջակցությամբ ամերիկյան ուժերը ոչնչացրել են ավելի քան 80 հարվածային անօդաչու թռչող սարք և առնվազն 6 բալիստիկ հրթիռ, որոնք արձակվել են Իսրայելի ուղղությամբ Իրանից և Եմենից, հայտնել է ԱՄՆ Կենտրոնական հրամանատարությունը (CENTCOM):
«CENTCOM-ը նախկինի նման պատրաստ է աջակցել Իսրայելի պաշտպանությանը Իրանի վտանգավոր գործողություններից: Մենք կշարունակենք աշխատել մեր տարածաշրջանային բոլոր գործընկերների հետ՝ ամրապնդելու տարածաշրջանային անվտանգությունը», – հայտարարել են ամերիկացի զինվորականները:
Ոչնչացված թիրախների թվում եղել է նաև 7 ԱԹՍ և 1 բալիստիկ հրթիռ իր արձակող մեքենայի հետ, որոնք ոչնչացվել են տեղում՝ Իրանի կողմից աջակցվող հութիների կողմից վերահսկվող Եմենի տարածքում նախքան դրանց արձակումը:
«Իրանի շարունակական աննախադեպ, չարամիտ և անխոհեմ պահվածքը սպառնում է տարածաշրջանային կայունությանը և ԱՄՆ-ի և կոալիցիոն ուժերի անվտանգությանը», – հայտարարել է CENTCOM-ը:
