Իրանը ավելի քան 200 ԱԹՍ ու հրթիռ է արձակել Իսրայելի ուղղությամբ․ ԱՄՆ-ն օգնել է ոչնչացնել գրեթե բոլորը

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իրանը ավելի քան 200 կամիկաձե անօդաչու թռչող սարքեր, թևավոր հրթիռներ ու բալիստիկ հրթիռներ է արձակել։ Այս մասին հայտարարել է Իսրայելի պաշտպանության բանակի խոսնակ, կոնտր-ծովակալ Դանիել Հագարին, փոխանցում է BBC-ի ռուսական ծառայությունը:

Նրա խոսքով՝ Իսրայելի և տարածաշրջանում նրա դաշնակիցների պաշտպանական համակարգերը որսացել են հրթիռների և անօդաչուների ճնշող մեծամասնությունը։ Դրանցից տասնյակները, ըստ Հագարիի, ոչնչացվել են Իսրայելի տարածքից դուրս։
Հագարիի խոսքով՝ իրանական մի քանի հրթիռների անկման հետևանքով փոքր վնաս է հասցվել իսրայելական մեկ ռազմական օբյեկտի։ Նա, սակայն, չի հստակեցրել, թե ինչ օբյեկտի մասին է խոսքը։

Մինչ այդ ԱՄՆ նախագահ Ջո Բայդենը հայտարարել է, որ ԱՄՆ օգնել է Իսրայելին ոչնչացնել գրեթե բոլոր ԱԹՍ-ներն ու հրթիռները։
Բայդենը հայտնել է, որ այս նպատակով անցած շաբաթվա ընթացքում տաարածաշրջան է ուղարկել հակահրթիռային պաշտպանության համակարգերով համալրված ամերիկյան ռազմական ինքնաթիռներն ու նավերը։

«Շնորհիվ այդ տեղակայման ու մեր զինծառայողների արհեստավարժության մենք կարողացանք օգնել Իսրայելին խոցել գրեթե բոլոր մոտեցող ԱԹՍ-ներն ու հրթիռները»,- ասել է ԱՄՆ նախագահը։
«Ես ամենավճռական կերպով դատապարտում եմ այդ գրոհները»,- հավելել է նա։

Հիշեցնենք, որ Իրանի Իսլամական հեղափոխության պահապանների կորպուսի (ԻՀՊԿ) երկու գեներալներ՝ Մոհամմադ Ռեզա Զահեդին և Մոհամմադ Հադի Հաջա Ռահիմին, զոհվել էին Սիրիայի մայրաքաղաք Դամասկոսում Իրանի հյուպատոսարանի մոտ ավիահարվածի հետևանքով, որը Թեհրանի պնդմամբ իրականացվել է Իսրայելի կողմից։

Ընդհանուր առմամբ, հարվածի հետևանքով զոհվել է 11 մարդ, ևս մի քանիսը վիրավորվել են։ Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Թեհրանն Իսրայելին է պատասխանատու համարում հարձակման համար: Դամասկոսում Իրանի հյուպատոսության վրա հարվածը «բոլոր միջազգային կոնվենցիաների խախտում է»,- ասել է Աբդոլլահիանը։ Իսրայելական բանակը հայտարարել է, որ չի մեկնաբանում այս հայտարարությունները: