07.10.2026 | 13:41
Թոմաս Տուխելը ռեկորդ է գրանցել Անգլիայի հավաքականում
ԱՄՆ-ը Թուրքիային և այլ գործընկերների կոչ է արել հորդորել Իրանին՝ չգնալ էսկալացիայի
Քաղաքականություն
12.04.2024 | 13:06
ԱՄՆ պետքարտուղար Էնթոնի Բլինքենը Չինաստանի, Թուրքիայի և Սաուդյան Արաբիայի արտգործնախարարների հետ հեռախոսազրույցներում կոչ է արել համոզել Իրանին՝ զերծ մնալ Մերձավոր Արևելքում հակամարտությունը սրելուց: Այս մասին ճեպազրույցում հայտնել է ԱՄՆ Պետքարտուղարության մամուլի խոսնակ Մեթյու Միլլերը։
«Միայն Թուրքիան չէ, մի շարք երկրներ են։ Իրանի հետ հարաբերություններ ունեն նաև այլ երկրներ՝ Սաուդյան Արաբիան, Չինաստանը: Մենք այլ դիվանագիտական ներգրավվածություններ են ունեցել Եվրոպայում և աշխարհում այլ երկրների հետ, քանի որ ցանկանում ենք միասնական ուղերձ հղել։ Ինչ վերաբերում է բուն կոչին, ապա հեռախոսազանգերի հիմնական նպատակն Իսրայելի դեմ Իրանի սպառնալիքների քննարկումն էր: Քննարկվել են նաև այլ հարցեր»,- ասել է Միլլերը։
Ավելի վաղ թուրքական լրատվամիջոցները հայտնել էին Էնթոնի Բլինքենի և Թուրքիայի ԱԳ նախարար Հաքան Ֆիդանի հեռախոսազրույցի մասին։ Ըստ դիվանագիտական աղբյուրների՝ կողմերը քննարկել են Գազայում հումանիտար ճգնաժամն ու տարածաշրջանային անվտանգության հարցեր։
Հիշեցնենք՝ ապրիլի 1-ին Սիրիայի մայրաքաղաք Դամասկոսում Իրանի հյուպատոսարանի վրա ավիահարվածի հետևանքով զոհվել է 16 մարդ։ Նրանց թվում են Իրանի Իսլամական հեղափոխության պահապանների կորպուսի երկու գեներալներ։ Իրանը հայտարարել էր, որ Իսրայելին է պատասխանատու համարում հարվածի համար և միջադեպն անվանել «բոլոր միջազգային կոնվենցիաների խախտում»:
