10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
Էրեբունի վարչական շրջանում մարզադպրոց կկառուցվի․ քաղաքապետարան
12.04.2024 | 10:18
Էրեբունի վարչական շրջանի Խաղաղ Դոնի 1 հասցեում նոր մարզադպրոց կկառուցվի։ Կենտրոնի նախագիծը արդեն իսկ պատրաստ է՝ շինարարությունը նախատեսվում է իրականացնել 2025-2026 թվականների ընթացքում․ տեղեկացնում են Երևանի քաղաքապետարանից։
Մարզադպրոցը կառուցվելու է Երևանի 2025 թվականի բյուջեի միջոցներով։Մենապայքարային և խաղային մարզաձևերի համալիր կենտրոնը նախատեսված է լինելու շուրջ 800 մարզիկի համար:
Մարզադպրոցը կառուցվելու է ժամանակակից չափորոշիչներին համապատասխան. կունենա հարմարավետ դահլիճներ, մարզումների համար նախատեսված բարձրորակ գույք։
Երևանի զարգացման տեսլականում կարևոր տեղ են զբաղեցնում մարզական բնագավառում իրականացվող ծրագրերը։
Մայրաքաղաքում ներկա պահին 1 մարզադպրոց հիմնանորոգվում է, 2-ը՝ կառուցվում։
