17.02.2026 | 16:21
Վարչապետն ընդունել է ԵՀ հարևանության և ընդլայնման բանակցությունների հարցերով գլխավոր տնօրենին
Բրյուսելում վերահաստատեցի ՀՀ-ին աջակցելու՝ ԱՄՆ-ի հանձնառությունը․ Սամանթա Փաուեր. ՏԵՍԱՆՅՈՒԹ
Քաղաքականություն
11.04.2024 | 11:38
ԱՄՆ Միջազգային զարգացման գործակալության ղեկավար Սամանթա Փաուերը հայտարարել է, որ ապրիլի 5-ին Բրյուսելում հայկական պատվիրակության հետ հանդիպման ժամանակ վերահաստատել է Հայաստանին աջակցելու՝ ԱՄՆ-ի հանձնառությունը։ Այս մասին X-ում հայտնել է ամերիկացի պաշտոնյան։
«Անցյալ շաբաթ Բրյուսելում վերահաստատեցի Միացյալ Նահանգների հանձնառությունը՝ աջակցելու Հայաստանի ժողովրդավարական բարեփոխումների խորացմանը, տնտեսության ընդլայնմանը և պայծառ ապագա կառուցելու ձգտումներին»,- ասել է Փաուերը։
Վերջինս նաև հայտարարել է, որ 2022 թվականից սկսած՝ ԱՄՆ ՄԶԳ-ն կրկնապատկել է ներդրումները Հայաստանի տնտեսության մեջ։
«Մենք տեսնում ենք Միացյալ Նահանգների և Հայաստանի միջև առևտրի աճը, որն անցած տարի փաստացի կազմել է 17 տոկոս։ Ես վարչապետ Փաշինյանին հայտնելու հնարավորություն ունեցա, որ ԱՄՆ Միջազգային զարգացման գործակալությունը պատրաստվում է 33 միլիոն դոլարի հավելյալ ներդրում անել այս կարևոր առաջընթացը զարգացնելու համար։ Միացյալ Նահանգները, ԱՄՆ Միջազգային զարգացման գործակալությունը, ԱՄՆ-ի ժողովուրդը, մենք բոլորս վճռական ենք Հայաստանին օգնելու հարցում՝ ցույց տալու, որ ժողովրդավարությունն իսկապես արդյունք է տալիս»,- ասել է Փաուերը։
Մանրամասները՝ տեսանյութում։
