08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Մինչև քարտեզները չհամաձայնեցվեն, պրոցես չի կարող տեղի ունենալ. Փաշինյանը՝ սահմանազատման մասին․ ՏԵՍԱՆՅՈՒԹ
Քաղաքականություն
10.04.2024 | 15:53
Բացարձակապես սուտ է, հերյուրանք ու զրպարտանք, որ ՀՀ Տավուշի մարզի թեկուզ մի միլիմետր տարածք վիճարկման ներքո է, այդպիսի բան լինել չի կարող, ԱԺ-ում լրագրողների հետ զրույցում հայտարարեց վարչապետ Նիկոլ Փաշինյանը։
Ըստ վարչապետի՝ դա քաղաքական միավորներ հավաքելու նպատակով «որոշ ապապետական ուժերի կողմից վճարովի ձևով տարածվող սուտ է».
«Այդ որ ուրիշներն ասում են, դուք էլ կրկնում եք, դուք գիտե՞ք Լոռին որտեղ է… լսե՛ք, Կապանում սահմանը մի քանի մետրի վրա է։ Մենք խոսում ենք անվտանգության մասին։ Մի քանի մետրի վրա եղել ու կան Այգեհովիտ, Բերքաբեր, Այգեպար գյուղերը։ Տավուշի մարզը մի քանի մետրի վրա է։ Բա 30 տարի ո՞նց է մի քանի մետրի վրա։ Մենք խոսում ենք անվտանգային համակարգ կառուցելու, երկրի սահմաններ ստեղծելու մասին»,- արձանագրեց Փաշինյանը։
Վարչապետն ընդգծեց, որ մինչև քարտեզները չհամաձայնեցվեն, սահմանազատման պրոցես չի կարող տեղի ունենալ:
