01.11.2024 | 23:19
Հրդեհ Գյումրու տներից մեկում
Մոսկվայում որոշել են արտաքսել ավելի քան 800 անօրինական միգրանտի
Քաղաքականություն
10.04.2024 | 16:17
Մոսկվայում միգրատների շրջանում ռեյդ է անցկացվել, գրում է ՌԲԿ-ն՝ վկայակոչելով ՆԳՆ-ին։ Հաղորդվում է, որ անօրինական միգրացիայի դեմ պայքարի շրջանակում ոստիկանությունը հայտնաբերել է ավելի քան 6 հազար խախտում և որոշում է կայացվել Ռուսաստանից վտարել ավելի քան 800 անօրինական միգրանտի։
Ոստիկանությունը նշում է, որ ուժայիններն ուսումնասիրել են բնակելի հատվածի, մեծածախ և մանրածախ առևտրի, հանրային սննդի, շինարարության և այլ ավելի քան 10 հազար օբյեկտ։ Արդյունքում հայտնաբերվել է միգրացիոն օրենսդրության ավելի քան 6 հազար խախտում, կազմվել է ավելի քան 4,5 հազար արձանագրություն։ Հաղորդվում է, որ 836 օտարերկրյա քաղաքացիների նկատմամբ ՌԴ-ից վարչական վտարման որոշում է կայացվել։
Բացի այդ, հետաքննական և նախաքննական մարմինների կողմից հարուցվել է 192 քրեական գործ՝ անօրինական միգրացիայի կազմակերպման համար։
ՌԴ-ում անօրինական միգրանտների դեմ պայքարն ուժեղացել է «Կրոկուս սիթի հոլլ»-ում ահաբեկչությունից հետո, որի իրականացման համար Տաջիկստանի քաղաքացիներ են ձերբակալվել։ Վերջին տվյալներով՝ զոհվել է 145, վիրավորվել՝ ավելի քան 550 մարդ։ Ահաբեկչության պատասխանատվությունը ստանձնել է ԻԼԻՊ-ը, մինչդեռ Մոսկվան Կիևին է մեղադրում։
