24.02.2026 | 20:33
Մերի Գասպարյանը որոնվում է որպես անհետ կորած
ԵՄ դատարանը որոշել է չեղարկել ռուս միլիարդատերերի նկատմամբ կիրառված անձնական պատժամիջոցները
Քաղաքականություն
10.04.2024 | 16:40
ԵՄ դատարանը բավարարել է գործարարներ Պյոտր Ավենի և Միխայիլ Ֆրիդմանի հայցը իրենց պատժամիջոցների ցուցակից հանելու մասին, գրում է BBC-ի ռուսական ծառայությունը։
Ֆրիդմանն ու Ավենը ռուսական «Ալֆա բանկ»-ի հիմնադիրներն ու բաժնետերերն են։
Ուկրաինական պատերազմի մեկնարկից հետո նրանք հեռացել են Ռուսաստանից, սակայն 2022 թվականի փետրվարի 28-ին հայտնվել են ԵՄ պատժամիջոցների ցուցակում։ 2023-ի օգոստոսին նրանք ներառվել են ԱՄՆ պատժամիջոցների ցուցակում։
2022 թվականի մայիսին Ֆրիդմանն ու Ավենը պատժամիջոցների հարցը բողոքարկել են դատարանում։
Անցյալ տարվա գարնանը հայտնի է դարձել, որ նրանք որոշել են վաճառել բանկի իրենց բաժնետոմսերը, առաջին հերթին՝ փորձելով վերացնել պատժամիջոցները:
