25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Բանակցություններում չի կարելի վստահել ՌԴ-ին․ ՆԱՏՕ-ի պաշտոնյա
Քաղաքականություն
10.04.2024 | 12:51
Ռուսաստանին չի կարելի վստահել, երբ խոսքը վերաբերում է խաղաղ բանակցություններին։ Բրիտանական LBC ռադիոկայանին տված բացառիկ հարցազրույցում այս մասին հայտարարել է ՆԱՏՕ-ի գլխավոր քարտուղարի տեղակալ Միրչա Ջոանեն, գրում է DW-ի ռուսական ծառայությունը։
«Եթե նույնիսկ նրանք [Ռուսաստանի իշխանությունները] ի վերջո սկսեն խոսել խաղաղության մասին, դա կլինի ոչ թե որպես այդպիսին խաղաղության, այլ զինադադարի, վերազինման և հետագա վերադարձի մասին»,- ասել է նա:
Ըստ ՆԱՏՕ-ի պաշտոնյայի՝ դաշինքի անդամները վերջին տարիներին «անտեսել են պաշտպանությունը», ինչի արդյունքում երկրները, այդ թվում՝ Բրիտանիան, անպատրաստ են հնարավոր պատերազմին։
«Մենք անտեսել ենք պաշտպանությունը, քանի որ հավատում էինք, որ ավելի հանգիստ աշխարհում ենք ապրում: Եվ հիմա արթնանում ենք նոր իրականությունում»,- ասել է նա՝ հավելելով, որ «ոչ ոք լիովին պատրաստ չէ» ՆԱՏՕ-ի մասնակցությամբ միջազգային հակամարտության հայտարարմանը։
Ջոանեն անխուսափելի է անվանել Ուկրաինայի անդամակցությունը ԵՄ-ին և ՆԱՏՕ-ին, ինչպես նաև վստահություն հայտնել, որ ԱՄՆ-ը կշարունակի համագործակցել դաշինքի հետ, նույնիսկ եթե Դոնալդ Թրամփը հաղթի գալիք նախագահական ընտրություններում։
