16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՄԻԵԴ-ը Վրաստանի գործով վճիռ է կայացրել ընդդեմ Ռուսաստանի
Քաղաքականություն
09.04.2024 | 17:26
Վրաստանի Արդարադատության նախարարությունն արձագանքել է «Վրաստանն ընդդեմ Ռուսաստանի» գործով Ստրասբուրգի դատարանի վերջին որոշմանը։ Գերատեսչությունն այս փաստն անվանում է պատմական հաղթանակ, գրում է Գրուզիա օնլայնը։
«Վրաստանը պատմական հաղթանակ տարավ Ռուսաստանի նկատմամբ Ստրասբուրգի դատարանում, այսպես կոչված, շարունակվող օկուպացիայի գործով»,- ասվում է Արդարադատության նախարարության տարածած հայտարարության մեջ։
Մարդու իրավունքների եվրոպական դատարանն այսօր հրապարակել է իր որոշումը «Վրաստանն ընդդեմ Ռուսաստանի» գործով, որն անդրադառնում է 2008 թվականի հակամարտությունից հետո սկսված սահմանազատման արդյունքում մարդու իրավունքների խախտումներին։
Ստրասբուրգի դատարանը Ռուսաստանի կողմից Մարդու իրավունքների եվրոպական կոնվենցիայի մի շարք խախտումներ է հայտնաբերել։
