23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
Թուրքիան քայլեր կձեռնարկի Իսրայելի դեմ` Գազա մարդասիրական օգնության մուտքն արգելափակելու պատճառով․ Հաքան Ֆիդան
Քաղաքականություն
09.04.2024 | 12:18
Թուրքիան հասնելու է Իսրայելի կողմից Գազայի հատված մարդասիրական օգնության մուտքի ապաշրջափակմանը և հրադադարի հաստատմանը: Այս մասին հայտարարել է Թուրքիայի ԱԳ նախարար Հաքան Ֆիդանը, գրում են թուրքական լրատվամիջոցները։
Նա հայտնել է, որ Թուրքիան որոշել է մի շարք միջոցներ ձեռնարկել Իսրայելի դեմ, որոնք ուժի մեջ կմնան այնքան ժամանակ, քանի դեռ Թել Ավիվը չի ապահովել մարդասիրական օգնության անարգել մատակարարումը Գազայի բնակիչներին և հրադադար չի հայտարարել։
Ֆիդանը նշել է, որ Թուրքիան դիմել է Գազա մարդասիրական օգնությունը օդով ուղարկելու հարցով, սակայն Իսրայելը մերժել է նախաձեռնությունը՝ չնայած փաստին, որ այն հավանության է արժանացել Հորդանանի կողմից։
«Ոչ մի արդարացում չկա, որ Իսրայելն արգելափակում է Գազայի բնակչությանն օգնություն հասցնելու՝ Թուրքիայի փորձերը։ Այս իրավիճակում մենք որոշել ենք մի շարք նոր միջոցներ ձեռնարկել Իսրայելի դեմ։ Այս միջոցառումներն արժանացել են մեր նախագահի հավանությանը։ Դրանք կիրականացվեն քայլ առ քայլ և առանց հապաղելու։ Մեր համապատասխան կառույցները դրանց մասին տեղեկատվությունը կհասցնեն հանրության ուշադրությանը»,- ասել է Թուրքիայի ԱԳ նախարարը։
Ըստ թուրք պաշտոնյայի՝ Թուրքիան այն երկու երկրներից մեկն է, որոնք ամենաշատ օգնությունն են ուղարկում Գազա․ օգնության ծավալը, որն Անկարան ծովով և օդով ուղարկել է Եգիպտոս՝ Գազա հետագա առաքման համար, գերազանցել է 42 հազար տոննան։
