30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հնդկաստանը կարող է դառնալ համաշխարհային տնտեսական աճի հիմնական շարժիչ ուժը 2028 թվականին․ Bloomberg
Քաղաքականություն
08.04.2024 | 17:52
Հնդկաստանը 2028 թվականին կարող է դառնալ աշխարհում առաջին երկիրը համախառն ներքին արդյունքի (ՀՆԱ) աճի առումով և համաշխարհային տնտեսական զարգացման հիմնական շարժիչ ուժը, գրում է Bloomberg-ը։
Ըստ գործակալության վերլուծության՝ Հնդկաստանի ՀՆԱ-ի տարեկան աճը, լավատեսական կանխատեսումների համաձայն, ընթացիկ տասնամյակի վերջին կհասնի 9%-ի։ Միևնույն ժամանակ, նույնիսկ ամենաբացասական սցենարի շրջանակներում, ըստ որի՝ այդ ցուցանիշը չի գերազանցի 6,5%-ը, Նյու Դելին, միևնույն է, առաջ կանցնի աշխարհի 5 խոշորագույն տնտեսություններից։ Այսպիսով, երկիրը կդառնա համաշխարհային տնտեսական աճի հիմնական շարժիչը, ամփոփում է գործակալությունը։
Ըստ Bloomberg-ի գնահատականների՝ իր հաջողությունը զարգացնելու համար ներկայիս վարչապետ Նարենդրա Մոդիի կառավարությունը, երրորդ ժամկետով վերընտրվելու դեպքում, պետք է վարի բազմավեկտոր տնտեսական քաղաքականություն։ Խոսքը, ի թիվս այլ հարցերի, ենթակառուցվածքների բարելավման, աշխատանքի արտադրողականության բարձրացման, ձեռնարկությունների ու աշխատատեղերի ավելացման, ինչպես նաև հանրապետության ակտիվ ուրբանիզացիայի մասին է։
Ապրիլի 5-ին Հնդկաստանի Պահուստային բանկի կառավարիչ Շակտիկանտա Դասը հայտարարել է, որ Հնդկաստանի տնտեսությունը կարող է աճել 7%-ով 2024-25 ֆինանսական տարում (սկսվել է ապրիլի 1-ին): Ըստ Հնդկաստանի Առևտրի նախարարության Արդյունաբերական զարգացման և ներքին առևտրի դեպարտամենտի՝ կառավարության խրախուսական վճարումներն օգնել են երկրին զգալիորեն մեծացնել էլեկտրոնիկայի, անօդաչու թռչող սարքերի և այլ ապրանքների արտադրությունը տնտեսության 14 ոլորտներում:
