23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Իսրայելը զորքերը դուրս է բերել Գազայի հատվածի հարավից
Քաղաքականություն
08.04.2024 | 15:18
Իսրայելի պաշտպանության բանակը գիշերը Գազայի հատվածի հարավից դուրս է բերել իր զորքերը, սակայն ՀԱՄԱՍ-ի հետ պատերազմը դեռ շարունակվում է ու հեռու է ավարտվելուց։ Այս մասին հայտարարել է Իսրայելի պաշտպանության բանակի գլխավոր շտաբի ղեկավար Գերցի Գալևին, գրում է The Times of Israel։
«Մենք այս պատերազմն այլ կերպ ենք վարում, այն տարբերվում է նախորդներից: Պատերազմը Գազայում շարունակվում է, և մենք հեռու ենք կանգ առնելուց: ՀԱՄԱՍ-ի բարձրաստիճան պաշտոնյաները դեռ թաքնվում են: Վաղ թե ուշ մենք կհասնենք նրանց: Մենք առաջընթաց ենք գրանցում՝ շարունակելով սպանել ավելի ու ավելի շատ ահաբեկիչների ու հրամանատարների և ոչնչացնել ահաբեկիչների ավելի ու ավելի շատ ենթակառուցվածքներ, այդ թվում՝ անցած գիշեր»,- ասել է նա։
Բարձրաստիճան զինվորականը վստահեցրել է, որ Իսրայելի բանակը պլաններ ունի և կգործի, երբ որոշի։
«Հարձակողական գործողություններին զուգահեռ՝ մենք թույլ ենք տալիս հումանիտար օգնություն հասցնել գոտի: ՀԱՄԱՍ-ի շահագրգռվածությունը Գազայում հումանիտար ճգնաժամ ստեղծելն է, որպեսզի պահանջի դադարեցնել պատերազմը»,- ասել է Գալևին:
Ըստ նրա՝ Իսրայելը կփորձի անել ամեն ինչ՝ բոլոր պատանդներին հնարավորինս շուտ վերադարձնելու համար։
Հիշեցնենք՝ ապրիլի 7-ին հայտնի դարձավ, որ Իսրայելի պաշտպանության բանակը դադարեցրել է ակտիվ ցամաքային ներխուժումը և լքում է Գազայի հատվածի հարավը։ Միայն մեկ բանակային բրիգադ է մնացել տեղում:
