25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Ղազախստանի բանկերը դանդաղեցրել են ՌԴ-ից փոխանցումների մշակումը
Քաղաքականություն
08.04.2024 | 13:16
Ղազախստանի բանկերը դանդաղեցրել են Ռուսաստանից ստացվող փոխանցումների մշակումը՝ արևմտյան երկրորդական պատժամիջոցների վտանգի պատճառով, գրում է Lenta-ն։
Հաղորդվում է, որ փետրվարի վերջից Ռուսաստանից Ղազախստան վճարումների ժամկետները սկսել են հասնել 2-3 շաբաթվա։ «Опорa России»-ի փոխնախագահ Նիկոլայ Դունաևն ասել է, որ խնդիրներ են առաջանում ինչպես դոլարով, այնպես էլ ազգային արժույթով գործարքների հետ կապված։ Ընդ որում, որոշ բանկեր ընդհանրապես հրաժարվում են աշխատել ռուսական կողմի հետ։
Ապրիլի 3-ից էլ Ղազախստանի բանկերը դադարեցրել են ռուսական «Միր» համակարգի քարտերի սպասարկումը՝ ԱՄՆ երկրորդական պատժամիջոցների մտավախության պատճառով։ Պետական կարգավորիչը բացատրել է, որ նման առաջարկություններ չի արել, և երկրի վարկային հաստատություններն ինքնուրույն են որոշում կայացնում որոշակի վճարային համակարգում մասնակցության վերաբերյալ՝ հաշվարկելով հնարավոր օգուտներն ու ռիսկերը։
Ղրղզստանի բանկերը նույնպես դադարեցրել են «Միր» քարտերի սպասարկումը։ Ազգային բանկը վստահեցրել էր, որ երկու երկրների բանկերի միջև փոխանցումների հնարավորությունը կպահպանվի նույնիսկ հանրապետությունում ռուսական քարտերի անջատումից հետո։
Հիշեցնենք՝ մարտի 30-ից «Միր» քարտերը չեն սպասարկվում նաև Հայաստանում՝ բացառությամբ «ՎՏԲ Հայաստան» բանկի ենթակառուցվածքի։
