25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
«Կրիտիկական իրավիճակ» Օրսկում․ քաղաքը շարունակում է հեղեղվել
Քաղաքականություն
08.04.2024 | 12:05
Ռուսական Օրենբուրգի շրջանի մեծությամբ երկրորդ քաղաքը՝ Օրսկը, շարունակում է հեղեղվել Ուրալ գետի ջրերով, որի մակարդակը ջրհեղեղի ժամանակ բարձրացել է ռեկորդային մակարդակի օդերևութաբանական դիտարկումների ամբողջ ժամանակահատվածում։ Ամբարտակները չեն կարողացել դիմանալ ջրի ճնշմանը, գրում է BBC-ն։
Հեղեղված քաղաքում զանգվածային տարհանումը շարունակվում է։
Ռուսաստանի 39 շրջաններում ջրի տակ է անցել ավելի քան 6,8 հազար բնակելի շենք, հաղորդում է ՌԴ ԱԻՆ մամուլի ծառայությունը։
«Ջրհեղեղները շարունակում են ազդել 39 մարզերի վրա։ Ավելի քան 6,8 հազար բնակելի շենքեր ջրի տակ են»,- ասվում է հաղորդագրության մեջ։
Ամենաբարդ իրավիճակը մնում է Օրենբուրգի մարզում։ Ուրալ գետի մակարդակն այստեղ մինչև կիրակի երեկոյան բարձրացել է ինը սանտիմետրով, հաղորդվում է քաղաքապետարանի Telegram-ում։
«Օրենբուրգի հիդրոօդերևութաբանական կենտրոնի տվյալներով՝ ապրիլի 7-ի երեկոյան Օրենբուրգի մերձակայքում գտնվող Ուրալ գետում ջրի մակարդակը հասել է 864 սմ-ի, վտանգավոր մակարդակը՝ 930 սմ»,- զգուշացնում են քաղաքապետարանից։
