07.10.2026 | 12:56
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Դատարանը մերժել է Թրամփի՝ իրեն առաջադրված մեղադրանքները վերացնելու հայցը
Քաղաքականություն
05.04.2024 | 16:30
ԱՄՆ նախկին նախագահ Դոնալդ Թրամփի դեմ քրեական դատավարությունները վերահսկող երկու դատավորները մերժել են նրա հայցը, որով նախկին նախագահը խնդրում էր վերացնել իրեն առաջադրված մեղադրանքները՝ կապված Ջորջիայում 2020 թվականի նախագահական ընտրությունների արդյունքները չեղարկելու փորձերի և գաղտնի փաստաթղթերի անօրինական պահման հետ, որոնք նախկին նախագահն իր հետ տարել էր այն բանից հետո, երբ հեռացել էր Սպիտակ տնից, գրում է VOA-ն։
Բացի այդ, Թրամփի դաշնակիցներից մեկը՝ Ջեֆրի Քլարկը, կարող է կորցնել փաստաբանական լիցենզիան այն բանից հետո, երբ Վաշինգտոնում հանձնաժողովը պարզել է, որ նա խախտել է իրավական էթիկայի որոշ կանոններ՝ փորձելով օգտագործել իր ընկերությունը՝ օգնելու Թրամփին չեղարկել ընտրությունների արդյունքները:
Այս գործերը ներկայացնում են իրավական խառնաշփոթի միայն մի մասը, որոնց բախվել է Թրամփը վերջերս, քանի որ չորս գործով նրան քրեական մեղադրանք է առաջադրվել:
Նյու Յորքում ապրիլի 15-ին նախատեսվում է սկսել ԱՄՆ նախկին նախագահի գործով առաջին դատավարությունը:
