07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Մտահոգիչ է մի շարք երկրների դիրքորոշումը, որոնք սպառնում են տարածաշրջանի խաղաղությանը․ Բայրամովը՝ Չավուշօղլուի հետ հանդիպմանը
Քաղաքականություն
05.04.2024 | 13:06
Ադրբեջանի ԱԳ նախարար Ջեյհուն Բայրամովը Թուրքիայի նախկին ԱԳ նախարար, ներկայում պատգամավոր Մևլութ Չավուշօղլուի հետ հանդիպմանը քննարկել է երկու երկրների դաշնակցային հարաբերությունները, ինչպես նաև տարածաշրջանում առկա իրավիճակի հետ կապված հարցեր։
Ադրբեջանական կողմի հաղորդագրության համաձայն՝ խոսելով տարածաշրջանում տիրող իրավիճակի, Ադրբեջանի և Հայաստանի միջև խաղաղության գործընթացի, ընթացող բանակցությունների և առկա մարտահրավերների մասին՝ Բայրամովն ասել է, թե «մտահոգիչ է տարածաշրջանից հեռու մի շարք պետությունների միակողմանի դիրքորոշումը, որոնք սպառնում են խաղաղության և ինտեգրման տարածաշրջանային ջանքերին, ինչպես նաև նորմալացման փխրուն գործընթացին»։
Ավելի վաղ Բաքվում լրատվամիջոցների հետ զրույցում Չավուշօղլուն էր Հայաստանի ու մի շարք երկրների համագործակցության առումով դժգոհություններ արտահայտել։
