12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Ռուսաստանում աղբահանության հետ կապված խնդիրներ են սկսվել միգրանտների հեռանալուց հետո
Քաղաքականություն
02.04.2024 | 20:32
Աշխատանքային միգրանտների արտահոսքի պատճառով ՌԴ-ում աղահանության խնդիրներ են սկսվել։ Դաղստանի մայրաքաղաք Մախաչկալայում սանիտարահիգիենիկ վիճակը վատթարացել է այն բանից հետո, երբ մունիցիպալ բյուջետային հիմնարկը Մախաչկալա-1-ը կորցրել է իր աշխատակիցներին, գրում է The Moscow Times-ը։
Արդյունքում ընկերությունը դադարեցրել է կոշտ կենցաղային աղբի հեռացումը: Մախաչկալայի քաղաքապետարանում վստահեցրել են, որ «միջգերատեսչական ակտիվ համագործակցությամբ ձեռնարկվում են բոլոր հնարավոր միջոցները՝ խնդիրը հնարավորինս արագ լուծելու համար»։
Մասնավորապես, աղբահանության համար գործուղվել են քաղաքապետարանի և ենթակա հիմնարկների աշխատակիցներ։
Ըստ ՌԻԱ Նովոստիի աղբյուրի, Մախաչկալա-1 մունիցիպալ բյուջետային հիմնարկի աշխատակիցները ձերբակալվել են ոստիկանության կողմից, ինչը առաջացրել է աշխատանքային միգրանտների զանգվածային արտահոսք Դաղստանից դեպի Կենտրոնական Ասիա: Մինչ այս ահաբեկչության կասկածանքով մի քանի միգրանտներ են ձերբակալվել Մախաչկալայում և Կասպիյսկում։
Ռուսաստանի իշխանությունները սկսել են մեծ ուշադրություն դարձնել միգրանտներին «Կրոկուս սիթի հոլլում» տեղի ունեցած ահաբեկչությունից հետո, որի հետևանքով զոհվել է 144 մարդ, ևս 551-ը՝ վիրավորվել։ Ըստ քննիչների՝ անմիջական հանցագործները եղել են Տաջիկստանի չորս քաղաքացիներ՝ Դալերժոն Միրզոևը, Սաիդակրամի Ռաչաբալիզոդան, Շամսիդին Ֆարիդունին և Մուհամմադսոբիր Ֆայզովը։ Ընդհանուր առմամբ, գործով ներգրավված է 11 մարդ, ևս ինը ձերբակալվել է Տաջիկստանում։
Տաջիկստանի աշխատանքի, միգրացիայի և զբաղվածության նախարարությունը հայտնել է, որ ահաբեկչությունից հետո Ռուսաստանից միգրանտների արտահոսք է սկսվել։
