25.06.2026 | 11:02
ՀՅԴ ՀԵՄ-ը պնդում է՝ Արցախի դրոշը վերականգնելու փորձի ժամանակ երկու անդամ բերման է ենթարկվել
Դոնալդ Թրամփը 175 միլիոն դոլարի չափով գրավ է վճարել խարդախության գործով
Քաղաքականություն
02.04.2024 | 13:09
ԱՄՆ նախկին նախագահ Դոնալդ Թրամփը խարդախության գործով 175 միլիոն դոլարի չափով գրավ է վճարել, հայտնում է Bloomberg-ը։ Դա թույլ է տվել նրան խուսափել ակտիվների բռնագրավումից: Ի սկզբանե, նախկին նախագահից պահանջվում էր վճարել 454 մլն դոլար, սակայն վերաքննիչ դատարանը զգալիորեն նվազեցրել է այս գումարը։
Փետրվարին Նյու Յորքի դատարանը Թրամփին մեղավոր է ճանաչել խարդախության գործով։ Որոշման մեջ ասվում է, որ շուրջ 10 տարի նախկին նախագահը գերագնահատել է իր կարողությունը՝ բանկերին խաբելու և վարկերի ավելի լավ պայմաններ ստանալու համար:
Քաղաքական գործչին և նրա ընկերությանը պարտավորեցրել են վճարել 355 միլիոն դոլար տուգանք, Թրամփին նաև արգելել են ղեկավար պաշտոններ զբաղեցնել Նյու Յորքում գրանցված ցանկացած կորպորացիայում առաջիկա երեք տարում։ Տոկոսների հետ միասին ընդհանուր տուգանքը կազմել է 454 մլն դոլար։
Թրամփը բողոքարկել է դատարանի որոշումը։ Եթե նախկին նախագահը չկարողանար վճարել 175 միլիոն դոլար գրավը, ապա նրա ողջ անշարժ գույքը կարող էր հայտնվել բռնագրավման սպառնալիքի տակ, այդ թվում՝ Մանհեթենի Trump Tower երկնաքերը և Ֆլորիդայի Մար-ա-Լագոյի կալվածքը, գրում է BBC-ն։
