«Կրոկուս»-ի վրա հարձակումից առաջ Թեհրանը Մոսկվային նախազգուշացրել է սպասվող ահաբեկչության մասին․ Reuters

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իրանը նախազգուշացրել է Մոսկվային Ռուսաստանի տարածքում հնարավոր խոշոր ահաբեկչության մասին «Կրոկուս սիթի հոլի» վրա հարձակումից առաջ, որի հետևանքով զոհվել է 144 մարդ։ Այս մասին հայտնում է Reuters-ը՝ վկայակոչելով իրավիճակին ծանոթ երեք աղբյուրների։
«Ռուսաստանում տեղի ունեցած ահաբեկչությունից մի քանի օր առաջ Թեհրանը Մոսկվային փոխանցել է Ռուսաստանի ներսում հնարավոր խոշոր ահաբեկչության մասին տեղեկությունը, որը ձեռք էր բերվել Իրանում մահաբեր պայթյունների հետ կապված ձերբակալվածների հարցաքննությունների ժամանակ», – ասել է աղբյուրներից մեկը:

Հունվարին Իրանի հետախուզության նախարարությունը հայտնել էր, որ ձերբակալել է 35 մարդու, ովքեր առնչություն ունեն հունվարի 3-ին հարավ-արևելյան Քերման քաղաքում տեղի ունեցած պայթյունների հետ, որոնց զոհ է դարձել մոտ 100 մարդ: Հունվարի 19-ին նախարարությունը հայտարարեց «Իսլամական պետության» Աֆղանստանում տեղակայված ճյուղի՝ «Վիլայաթ Խորասան»-ի հրամանատարի ձերբակալության մասին։ Երկրորդ աղբյուրը, որը ցանկացել է անանուն մնալ, հայտնել է, որ նախապատրաստվող հարձակման մասին Թեհրանի հաղորդագրության մեջ որևէ կոնկրետ մանրամասն չի հաղորդվել ո՛չ տեղի, ո՛չ էլ հստակ թիրախի մասին։

«Նրանց (խմբավորման անդամներին) հանձնարարված է եղել նախապատրաստվել Ռուսաստանում լայնածավալ օպերացիայի։ Ահաբեկիչներից մեկը (Իրանում ձերբակալված) հայտնել է, որ խմբովորման որոշ անդամներ արդեն մեկնել են Ռուսաստան»,-ասել է երկրորդ աղբյուրը։
Երրորդ աղբյուրը՝ անվտանգության բարձրաստիճան պաշտոնյան, ասել է. «Քանի որ Իրանը երկար տարիներ ահաբեկչական հարձակումների զոհ է դարձել, երկրի իշխանությունները կատարել են Մոսկվային նախազգուշացնելու իրենց պարտավորությունը՝ հիմնվելով ձերբակալված ահաբեկիչներից ստացված տեղեկատվության վրա»:

Հիշեցնենք, որ մարտի 7-ին մի շարք երկրների, այդ թվում՝ ԱՄՆ-ի, Կանադայի, Գերմանիայի, Չեխիայի, Շվեդիայի, Լատվիայի և Հարավային Կորեայի դեսպանատները զգուշացրել են իրենց քաղաքացիներին, որ առաջիկա երկու օրերին Մոսկվայում կարող է ահաբեկչություն տեղի ունենալ։
Նույն օրը ԱԴԾ-ն հայտարարեց Մոսկվայի սինագոգի վրա ահաբեկչական հարձակումը կանխելու մասին, որը, իբր, նախապատրաստել էին Աֆղանստանում ԻԼԻՊ-ի բջիջ հանդիսացող՝ «Վիլայաթ Խորասանի» գրոհայինները (նույն խումբը համարվում է «Կրոկուս սիթի հոլլում» տեղի ունեցած ահաբեկչական հարձակման հեղինակը)։ Ղազախստանի երկու քաղաքացիներ կասկածվում էին Մոսկվայի սինագոգի վրա հարձակում նախապատրաստելու մեջ։