24.02.2026 | 22:17
Պուտինը պնդում է՝ «Թուրքական հոսք» և «Կապույտ հոսք» գազատարները փորձում են պայթեցնել
ՌԴ-ում ազգամիջյան և միգրացիոն քաղաքականության համար պատասխանատու մարմին կստեղծվի
Քաղաքականություն
01.04.2024 | 15:33
ՌԴ իշխանությունները քննարկում են նոր գերատեսչության ստեղծման հարցը, որը պատասխանատու կլինի ազգամիջյան և միգրացիոն քաղաքականության համար։ Այս մասին հայտնում Ведомости-ն՝ վկայակոչելով նախագահի աշխատակազմի և կառավարության մի քանի աղբյուրները, գրում է Meduza-ն։
Ենթադրվում է, որ նոր գերատեսչությունը անմիջականորեն ենթարկվելու է նախագահին, ինչպես ՆԳՆ-ն ԱԳՆ-ն, ԱԻՆ-ը, ՊՆ-ն, Արտաքին հետախուզության ծառայությունը, ԱԴԾ-ն և Ազգային գվարդիան։
Թե ինչպիսին է լինելու նոր գերատեսչության ձևաչափը՝ դեռ որոշված չէ։ Լրատվամիջոցի մի շարք աղբյուրներ ասել են, որ դա լինելու է նախարարություն, մյուսներն էլ հայտնել են, որ խոսքը նախագահին առընթեր գործակալության մասին է։ Ըստ լրատվամիջոցի զրուցակիցների՝ ազգամիջյան և միգրացիոն քաղաքականության համար պատասխանատու նոր կառույցի ստեղծումը կքննարկվի ապրիլի 24-ին Ազգամիջյան հարաբերությունների նախագահական խորհրդի նախագահության նիստում, որին կմասնակցի Վլադիմիր Պուտինը։
Աղբյուրները դժվարացել են ասել, թե ով կարող է գլխավորել նոր կառույցը՝ նշելով միայն, որ դա լինելու է իրավապահ մարմիններից մեկի բարձրաստիճան պաշտոնյա։
