25.08.2026 | 11:30
Երևանում մեկնարկում է Անդրանիկ Հարոյանին նվիրված հուշամրցաշարը, կայացել է վիճակահանությունը
ԵՄ դիտորդական առաքելությունը նպաստում է կայունությանը. ՀՀ-ում Ֆրանսիայի դեսպան
Քաղաքականություն
31.03.2024 | 21:38
Ինչպես տարվա ամեն օր, Զատկի կիրակիին ևս, Հայաստանում ԵՄ առաքելության դիտորդները հսկողություն են իրականացնում Ադրբեջանի հետ սահմանին․ այս մասին X-ի իր միկրոբլոգում գրել է Հայաստանում Ֆրանսիայի դեսպան Օլիվյե Դեկոտինին։
Դեսպանը շեշտել է, որ դիտորդական առաքելությունը նպաստում է կայունությանը և միջազգային հանրությանն անաչառ տեղեկատվություն տրամադրելուն։
Հիշեցնենք՝ Ադրբեջանի ՊՆ-ն հաղորդագրություն է տարածել, որում պնդում է, թե «հայ-ադրբեջանական պայմանական սահմանի տարբեր ուղղություններում առկա է կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի ստորաբաժանումների ինտենսիվ տեղաշարժ»:
ՀՀ ՊՆ-ից հերքեցին Բաքվի հայտարարությունները՝ նշելով, որ սահմանում օպերատիվ իրավիճակը կայուն է և սահմանի պահպանության համար լրացուցիչ միջոցներ ձեռնարկելու անհրաժեշտություն չկա։
Իսկ Հայաստանում ԵՄ առաքելությունից հայտարարեցին, որ Հայաստան-Ադրբեջան սահմանի երկայնքով արտասովոր շարժումներ չեն նկատվել։
