25.11.2024 | 14:46
Վրաստանի իշխող կուսակցությունն արագացնում է նոր նախագահի ընտրությունը
Հայաստանն ու Հնդկաստանը կընդլայնեն համագործակցությունը կինոարտադրության և տեխնոլոգիական բնագավառում
Մշակույթ
29.03.2024 | 13:57
Հայաստանն ու Հնդկաստանն առաջիկայում կընդլայնեն համագործակցությունը կինոարտադրության և տեխնոլոգիական բնագավառում:
Հայաստանի հետ հետագա համագործակցությունն ամրապնդելու և ներդրումային դաշտն ուսումնասիրելու նպատակով Հնդկաստանի Բանգալոր քաղաքի «ABAI AVGC» տեխնոլոգիական, անիմացիայի և համակարգչային խաղերի ընկերության ներկայացուցիչները Հայաստանում հանդիպել են կինոարտադրության բնագավառի ներկայացուցիչների և «Թումո» ստեղծարար տեխնոլոգիաների կենտրոնի ղեկավարության հետ:
«Արմենպրես»-ի հետ զրույցում «ABAI AVGC» տեխնոլոգիական, անիմացիայի և համակարգչային խաղերի ընկերության տնօրեն Բիրեն Գոշը նշեց, որ Հայաստանում են ընկերության ամբողջ կառավարման թիմի հետ՝ բացահայտելու և նոր կամուրջներ ստեղծելու Հնդկաստանի և Հայաստանի միջև:
«Հայաստանի մեր գործընկերների հետ զրույցներն ու քննարկումներն արդեն մի քանի տարի է՝ ընթանում են, և մենք հասկացանք, որ ժամանակն է հստակեցնել մեր հաջորդ քայլերը և անցնել գործնական փուլ: «Թումո»-ն մեծ առաքելություն է իրականացնում՝ բացելով հայ երիտասարդների աչքերը, մտքերը և սրտերը՝ ստեղծելով հիանալի հնարավորություն, որպեսզի նրանք կողմնորոշվեն, հավաքեն և հասկանան իրենց ներուժը և դրանով ստեղծեն իրենց ապագան: Այժմ մենք ցանկանում ենք նույն հնարավորությունները լայն մասշտաբով ստեղծել նաև Հնդկաստանում և դրա ուղղությամբ իրականացնում ենք մեծ աշխատանք», – ասաց նա:
Նա նշեց, որ իրենք մեծ աշխատանք են կատարում անիմացիայի, վիզուալ էֆեկտների և խաղերի ոլորտում։
«Հայաստանում շատ երիտասարդներ, գուցե, չգիտեն, բայց երբ տեսնում են «Մադագասկար»-ը, «Տրանսֆորմերներ»-ը կամ նմանատիպ այլ ֆիլմեր, դա արվել է այստեղ գտնվող մարդկանց և Հնդկաստանում նրանց ընկերությունների կողմից»,- ասաց Բիրեն Գոշը:
