09.05.2024 | 00:22
Ինչ են քննարկել Փաշինյանն ու Պուտինը
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
Քաղաքականություն
28.03.2024 | 20:15
ՀՀ-ում տեղակայված ԵՄ դիտորդական առաքելությունը վերածվում է ՆԱՏՕ-ի առաքելության։ Այս մասին հայտարարել է ՌԴ ԱԳ նախարար Սերգեյ Լավրովը Իզվեստիային տված հարցազրույցում, փոխանցում է ՏԱՍՍ-ը։
«Այժմ Նորվեգիայից, Կանադայից և Միացյալ Նահանգներից զինվորականներ են ուղարկվում այնտեղ՝ Եվրամիության առաքելությունը վերածելով Հյուսիսատլանտյան դաշինքի առաքելության», – ասել է նա։
Ուշագրավ է, որ նախօրեին նման մեղադրանք էր հնչեցրել նաեւ Ադրբեջանի ԱԳՆ-ն ԵՄ դիտորդական առաքելության վերաբերյալ տարածած հայտարարության մեջ։
«Այս առաքելությունն ակտիվորեն օգտագործվում է որպես հակաադրբեջանական քարոզչության գործիք։ Բացի այդ, ԵՄ առաքելությանը Կանադայի միանալով՝ այն դե ֆակտո ՆԱՏՕ-ի առաքելություն է դարձել: Այս քայլերն ուղեկցվում են նաև հայտարարություններով, որոնք առաքելությունն անվանում են «զսպող ուժ» և առանց որևէ հիմքի ադրբեջանական հնարավոր միջամտության պատրանք են ստեղծում»,- ասվում է հայտարարությունում։
