09.05.2024 | 09:43
Մադրիդի «Ռեալ»-ը դուրս եկավ Չեմպիոնների լիգայի եզրափակիչ
Գերմանիան ավելացնում է զենքի սեփական պաշարները. Bloomberg
Քաղաքականություն
28.03.2024 | 15:36
Գերմանիան ծրագրում է մոտ ապագայում զենքի գնման մի շարք խոշոր պայմանագրեր կնքել։ Այսպիսով, Գերմանիան ձգտում է բարձրացնել սեփական անվտանգության մակարդակը, գրում է Bloomberg-ը՝ վկայակոչելով Գերմանիայի էկոնոմիկայի նախարար Ռոբերտ Հաբեկին։
«Դա անհրաժեշտ է անել՝ հաշվի առնելով Ռուսաստանի սպառնալիքային ֆոնը և երկար չմտածել դրա շուրջ։ Դա միամտություն կլիներ»,- ասել է Հաբեկը։
Հրապարակման մեջ նշվում է, որ 2022 թվականի փետրվարի 24-ին Ուկրաինայի վրա Ռուսաստանի հարձակումը ստիպել է Գերմանիային վերանայել իր մոտեցումը պաշտպանության հարցում և մեծացնել դրա վրա ծախսերը։
Գերմանիայի կառավարությունը 100 միլիարդ եվրոյի հատուկ հիմնադրամ է ստեղծել գերմանական զորքերի արդիականացման համար, և այդ գումարի 80%-ն արդեն իսկ հատկացվել է։ Հաբեկն ասել է, որ աշխատում է այլընտրանքային ֆոնդերի ուղղությամբ, որպեսզի գերմանական ընկերությունները կարողանան մեծ զենքի պատվերներ ծրագրել:
Պաշտոնյան հավելել է, որ զենքի գնման հաստատման գործընթացները հաճախ չափազանց երկար են և պետք է արագացվեն:
«Կվերանայվեն նաև երկակի նշանակության ապրանքների կանոնները, որոնք կարող են օգտագործվել ինչպես ռազմական, այնպես էլ քաղաքացիական նպատակներով»,- վստահեցրել է Գերմանիայի էկոնոմիկայի նախարարը։
