25.11.2024 | 15:47
Կիպրոսը ծրագրում է անդամակցել ՆԱՏՕ-ին
Ադրբեջանի ՄԻՊ-ն այցելել է Ստեփանակերտում մնացած հայերին
28.03.2024 | 13:11
Ադրբեջանի մարդու իրավունքները պաշտպանը հանդիպել է Ստեփանակերտում մնացած հայ տարեց բնակիչների հետ։ Ադրբեջանական լրատվամիջոցների հաղորդմամբ՝ նա այցելել է նրանց համար ստեղծված ապաստարան։
Նշվում է, որ Սաբինա Ալիևան հետաքրքրվել է «բնակիչների իրավունքների ու ազատությունների ապահովման վիճակով և մանրամասն տեղեկատվություն տրամադրել օմբուդսմենի լիազորությունների վերաբերյալ»։
Այցի ընթացքում ՄԻՊ-ի շուրջօրյա 916 հեռախոսային կենտրոնի մասին տեղեկություններով թերթիկներ են բաժանվել։
Հավելենք, որ Արցախում 2023 թվականին Բաքվի իրականացված ռազմական ագրեսիայից ու էթնիկ զտումից հետո Ստեփանակերտում մնացել են հիմնականում մի քանի հայ տարեց բնակիչներ, որոնց թիվը, ըստ որոշ տվյալների, չի անցնում երկու տասնյակից։
Արցախում շարունակում է աշխատել Կարմիր խաչի թիմը, որն աջակցություն է ցուցաբերում մնացած հայերին և օգնում կապ պահպանել Հայստանում իրենց հարազատների հետ։
Էմմա Չոբանյան
