06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Խմելու ջուրը չի թանկանա․ Կառավարությունը «Վեոլիա Ջուր» ընկերությանը սուբսիդավորում կտրամադրի
Տնտեսություն
28.03.2024 | 10:22
Խմելու ջուրն այս տարի չի թանկանա: Կառավարությունը «Վեոլիա Ջուր» փակ բաժնետիրական ընկերության կողմից խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագների մեղմացման նպատակով սուբսիդիա կտրամադրի:
Գործադիրի որոշման համաձայն՝ սոցիալապես անապահով բաժանորդների համար այս տարի ջրի սակագինը կմնա անփոփոխ՝ 180 դրամ, իսկ մյուս բաժանորդների համար՝ 205.992 դրամ:
Պետական բյուջեով 1.1 մլրդ դրամ սուբսիդիա է հատկացվել 2023 թվականի դեկտեմբերի 1-ից մինչև այս տարվա նոյեմբերի 30-ը ներառյալ ընկած ժամանակահատվածում մատուցվող խմելու ջրի մատակարարման և ջրահեռացման մանրածախ ծառայությունների համար:
Հիեցնենք՝ ավելի վաղ «Վեոլիա ջուր» ընկերությունը սակագները բարձրացնելու հայտ էր ներկայացրել և միասնական սակագին սահմանել 209 դրամը։ Հանրային ծառայությունները կարգավորող հանձնաժողովն իրականացրած մոնիթորինգի ու հաշվարկների արդյունքում, սակայն, առաջարկում էր անապահովների համար սակագինն անփոփոխ թողնել՝ 180 դրամ։
Բաժանորդների համար ջրի սակագնի թանկացման ազդեցությունը չեզոքացնելու համար Կառավարութունը որոշեց սուբսիդավորել այն:
Հավելենք, որ Հայաստանի խմելու ջրամատակարարման և ջրահեռացման համակարգը 2017-ից 15 տարով վարձակալության է տրվել «Վեոլիա ջուր» ֆրանսիական ընկերությանը։
