Քաղաքականություն
27.03.2024 | 18:16
ՌԴ-ում ոստիկանության աշխատակիցներն ու Ազգային գվարդիան ներխուժել են Wildberries-ի պահեստ Մոսկվայի մարզի Էլեկտրոստալ քաղաքում՝ այնտեղ աշխատողների փաստաթղթերը ստուգելու համար։ Այս մասին հայտնել է ընկերությունը, փոխանցում է Current Time-ը:
Ստուգել են աշխատակիցների անձնագրերը, աշխատանքի թույլտվությունները, զինվորական հաշվառումը։
Պահեստի աշխատակիցներից մեկը Astra-ին պատմել է, որ «խուսափողներին կարող են առանց համաձայնության տանել»։
«Իսկ ով դիմադրում է, ՕՄՈՆ-ը հարվածում է փայտերով»,- ասել է պարբերականի մեկ այլ զրուցակից։
Ականատեսների վկայությամբ՝ բերման է ենթարկվել մի քանի տասնյակ մարդ։ Baza-ի տվյալներով՝ անվտանգության ուժերը ձերբակալել են 21 մարդու։ Ընդհանուր առմամբ, ստուգման է ենթարկվել պահեստի առնվազն 5,000 աշխատակից։ Ձերբակալվածների մասին պաշտոնական տեղեկություն չկա։
Մանրամասները՝ տեսանյութում:
