24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ Բալթիմորում կամրջի փլուզումից հետո անհետ կորածներին ողջ գտնելու հույս այլևս չկա․ Reuters
Քաղաքականություն
27.03.2024 | 17:09
Մարտի 26-ի առավոտյան ամերիկյան Բալթիմորում խոշոր կամրջի փլուզման հետևանքով նավահանգստի վեց աշխատակից անհետ կորել է։ Այս մասին հայտնել է Reuters գործակալությունը։
Նրանց ողջ գտնելու հույս այլևս չկա՝ անցած երկար ժամանակի ու սառը ջրի պատճառով, հայտարարել է առափնյա ծառայության կոնտր-ադմիրալ Շենոն Գիլրիթը։
Պղտոր ջրում բարդ պայմանները, ջուրը լցված կամրջի բեկորները հանգեցրել են որոնողափրկարարական աշխատանքների դադարեցման վթարից 18 ժամ անց, իր հերթին հայտնել է ԱՄՆ Մերիլենդ նահանգի ոստիկանության առափնյա ծառայության ներկայացուցիչը։
Իշխանությունները հուսով են ջրասույզներին վերադարձնել որոնողական աշխատանքների չորեքշաբթի օրը՝աշխատակիցները մարմինները հայտնաբերելու համար։
Հիշեցնենք՝ երեկ ԱՄՆ Մերիլենդ նահանգի Բալթիմոր քաղաքում Key Bridge ավտոմոբիլային կամուրջը բեռնատար նավի հետ բախվելուց հետո փլուզվել է։
