07.10.2026 | 13:45
Հայաստանի հետ փաստացի խաղաղությունը դեռ չի նշանակում խաղաղության գործընթացի ավարտ․ Ալիևի ներկայացուցիչ
Բայդենը Պուտինին մսագործ է անվանել և Ուկրաինային օգնություն հատկացնելու կոչ արել
Քաղաքականություն
27.03.2024 | 14:44
ԱՄՆ նախագահ Ջո Բայդենը, ելույթ ունենալով Հյուսիսային Կարոլինայում, ՌԴ նախագահ Վլադիմիր Պուտինին երկրորդ անգամ անվանել է «մսագործ»:
«Այնքան կարևոր բաներ կան, որ մենք կարող ենք անել, այդ թվում՝ վերջապես հոգ տանել Ուկրաինային օգնության մասին, [պաշտպանել] այդ մսագործ Պուտինից»,- ասել է նա:
Բայդենն առաջին անգամ Պուտինին «մսագործ» էր անվանել ուղիղ երկու տարի առաջ՝ հավելելով, որ «այդ մարդը չի կարող մնալ իշխանության ղեկին»։ Միևնույն ժամանակ, ԱՄՆ նախագահը հայտարարել է, որ Ուկրաինայի հետ պատերազմը Ռուսաստանի համար «ռազմավարական ձախողում» է և երկիրը հետ է շպրտելու 19-րդ դար։
Կրեմլի մամուլի ծառայությունը, մեկնաբանելով 2022 թվականի մարտին Բայդենի ելույթը, ասել էր, թե «ամեն անգամ, երբ նման անձնական վիրավորանքներ են հնչում, նեղացնում են ԱՄՆ ներկայիս վարչակազմի օրոք երկկողմ հարաբերությունների հնարավորությունների պատուհանը»։
Հիշեցնենք, որ ԱՄՆ Կոնգրեսը մի քանի ամիս է՝ չի կարողանում հաստատել Ուկրաինային ռազմական օգնության ֆինանսավորումը ներքին տարաձայնությունների պատճառով։
