24.07.2026 | 22:25
Ձերբակալվել է Երևանի «Արարատ» կոնյակի, գինու և օղու գործարանի տնօրենը
ՀՔԾ-ն խուզարկություն է իրականացրել Ռոբերտ Քոչարյանի առանձնատանը
Հասարակություն
20.08.2018 | 14:12
Հատուկ քննչական ծառայությունը «Մարտի 1»-ի գործով խուզարկություն է իրականացրել Հայաստանի երկրորդ նախագահ Ռոբերտ Քոչարյանի առանձնատանը։ Այդ մասին Factor.am-ի հետ զրույցում ասաց Հատուկ քննչական ծառայության խոսնակ Մարինա Օհանջանյանը։
Այլ մանրամասներ ՀՔԾ խոսնակը չփոխանցեց:
Հիշեցնենք, որ Ռոբերտ Քոչարյանը «Մարտի 1-ի» քրեական գործով մեղադրվում է սահմանադրական կարգը տապալելու համար: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը:
Սակայն Վերաքննիչ դատարանը օգոստոսի 13-ին վերացրեց Առաջին ատյանի դատարանի որոշումը և բավարարեց Ռոբերտ Քոչարյանի պաշտպանների ներկայացրած՝ խափանման միջոց կալանքը փոխելու միջնորդությունը:
ՀՔԾ պետը Սասուն Խաչատրյանը Վերաքննիչ դատարանի որոշումը «ապօրինի» որակեց. «Հույս ունեմ, որ Գլխավոր դատախազությունը վճառաբեկ բողոք կբերի, և Ռոբերտ Քոչարյանը դարձյալ կհայտնվի անազատության մեջ, որպեսզի չկարողանա խոչընդոտել գործի քննությունը»:
Ինչպես ավելի վաղ տեղեկացրել էինք, Գլխավոր դատախազությունը Ռոբերտ Քոչարյանի կալանքը վերացնելու՝ Վերաքննիչ դատարանի որոշման դեմ բողոքը այսօր մինչև օրվա վերջ կներկայացնեն Վճռաբեկ դատարան։
