ՀՀ պետական սիմֆոնիկ նվագախումբը հանդես է եկել Ֆրանկոֆոնիայի միջազգային օրվան նվիրված համերգով

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Հայաստանի պետական սիմֆոնիկ նվագախումբը հանդես եկավ Ֆրանկոֆոնիայի միջազգային օրվան նվիրված համերգով։

Հայաստանը Ֆրանկոֆոնիայի միջազգային կազմակերպությանն անդամակցում է 2004 թվականից, իսկ 2012 թվականից ի վեր կազմակերպության լիիրավ անդամ է։ Երևանում և Հայաստանի բոլոր մարզերում կազմակերպվում են մշակութային և կրթական միջոցառումներ՝ նվիրված Ֆրանկոֆոնիայի միջազգային օրվան։ Այս նախաձեռնությունները թույլ են տալիս ամրապնդել ֆրանկոֆոն աշխարհը միավորող համերաշխության և բարեկամության կամուրջները։ Համերգային երեկոն Ֆրանկոֆոնիայի միջազգային օրվան նվիրված առանցքային միջոցառումներից էր և իրականացվում էր Հայաստանում Ֆրանսիայի դեսպանության, Կանադայի դեսպանության և Հայաստանի Ֆրանսիական ինստիտուտի հետ գործընկերությամբ։ Համերգի գլխավոր հովանավորն էր «Fastex» ընկերությունը‚ ռազմավարական հովանավորը՝ «Բուրմունք» ընկերությունը։

Երեկոյի ընթացքում Հայաստանի պետական սիմֆոնիկ նվագախմբի հետ ելույթ ունեցան մեծ համբավ վայելող դաշնակահարներ Էլեն Մեղսիե-Առնոն և Լուի Լորթին։ Ծրագրում ներառված էին ֆրանսիացի կոմպոզիտորների՝ Մորիս Ռավելի‚ Ֆրանսիս Պուլենկի‚ Կլոդ Դեբյուսիի ստեղծագործությունները։ Համերգը ղեկավարում էր դիրիժոր Սերգեյ Սմբատյանը։

Էլեն Մեղսիե-Առնոն և Լուի Լորթին ներկայացրին Ֆրանսիս Պուլենկի Կոնցերտը՝ գրված երկու դաշնամուրի և նվագախմբի համար‚ ստեղծագործություն‚ որ երկար տարիներ չի կատարվել Հայաստանում։

Լուի Լորթին բարձր է գնահատում Ֆրանկոֆոնիայի միջազգային օրվան նվիրված դասական համերգը։ «Ֆրանկոֆոնիային նվիրված նմանատիպ միջոցառումներն օգնում են ամրապնդելու երկրների մշակութային կապերը: Ես եկել եմ Կանադայից: Այն շատ հեռու է այստեղից, բայց Կանադայում կան շատ հայեր, որոնք խոսում են ֆրանսերեն»‚- ասում է դաշնակահարը։ Նա նաև ընդգծում է համագործակցությունը Հայաստանի պետական սիմֆոնիկ նվագախմբի հետ։ «Ինձ համար շատ հաճելի անակնկալ էր: Դուք ունեք հրաշալի նվագախումբ: Ես առաջին անգամ էի Հայաստանում, դահլիճը լի էր, հանդիսատեսը՝ ուշադիր: Մենք իսկապես շատ գոհ ենք։ Հույս ունեմ, որ կշարունակենք մեր գործակցությունը, քանի որ այս ամենն իսկապես ոգեշնչող էր»‚- ասում է Լուի Լորթին։

Էլեն Մեղսիե-Առնոն ևս առաջին անգամ էր Հայաստանում։ «Երազել եմ Հայաստանի մասին դեռ մանկուց, քանի որ ճանաչել եմ շատ հայերի: Հայ ժողովուրդը միասնական է։ Թեև սփռված է ամբողջ աշխարհում, սակայն մեծապես կապված է իր մշակույթին: Հայաստան գալն ինձ համար կարևոր էր: Երբ եղավ առաջարկությունը, շատ ուրախ էի, որ այստեղ պետք է համերգ ունենանք իմ լավ ընկերոջ Լուի Լորթիի հետ»։

Խոսելով Հայաստանի պետական սիմֆոնիկ նվագախմբի հետ համագործակցության մասին՝ Էլեն Մեղսիե-Առնոն նշեց. «Հրաշալի է Սիմֆոնիկ նվագախմբի հետ աշխատելը: Ես շատերի հետ եմ համագործակցել, Հայաստանի պետական սիմֆոնիկ նվագախմբի ղեկավար Սերգեյ Սմբատյանը փայլուն է, հեշտ է նրա հետ աշխատելը, ամեն բան անմիջապես ստացվում է»։

Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանն ընդգծեց‚ որ համերգը սպասված էր‚ ներկայացվեց հրաշալի ծրագիր՝ ֆրանսիական կոմպոզիտորական արվեստի անվանի ներկայացուցիչների ստեղծագործությունները։ Ըստ մաեստրո Սմբատյանի՝ համերգը յուրահատուկ էր նաև մենակատարներով‚ որոնք աշխարհում շատ են ներկայացնում ֆրանսիական երաժշտությունը։ «Նման վառ անհատականությունների մասնակցությամբ համերգը Հայաստանում շատ կարևոր է բոլորիս համար»‚- ասաց Սերգեյ Սմբատյանը։