07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
ՌԴ ՔԿ-ն պահանջում է ձերբակալել «Կրոկուս»-ի ահաբեկչության գործով ութերորդ անձին
Քաղաքականություն
26.03.2024 | 12:52
Հետաքննությունը պահանջում է ձերբակալել Crocus City Hall-ում տեղի ունեցած ահաբեկչության գործով 8-րդ անձին, «ՌԻԱ Նովոստիին» հայտնել են Մոսկվայի Բասմանի դատարանում։
«Ալիշեր Կասիմովի վերաբերյալ նյութերը ներկայացվել են դատարան»,- հայտնել են դատարանի մամուլի ծառայությունից։
Մերձմոսկովյան Կրասնոգորսկ քաղաքի Crocus City Hall համերգասրահի վրա հարձակումը տեղի է ունեցել մարտի 22-ի երեկոյան։ Չորս զինված անձ ներխուժել է շենք և սկսել կրակել մարդկանց վրա: Հարուցվել է քրեական գործ՝ «ահաբեկչություն» հոդվածով։
Բոլոր հանցագործները ձերբակալվել են մարտի 23-ի առավոտյան Բրյանսկի մարզում։ Պարզվել է, որ նրանք Տաջիկստանի քաղաքացիներ Դալերջոն Միրզոևը, Սաիդակրամի Ռաչաբալիզոդան, Շամսիդին Ֆարիդունին և Մուհամմադսոբիր Ֆայզովն են։ Նրանք մեքենայով շարժվել են դեպի ուկրաինական սահման։
Երկուշաբթի գիշերը Մոսկվայի Բասմանի դատարանը նրանց նկատմամբ խափանման միջոց է ընտրել կալանքը մինչև մայիսի 22-ը։
ՌԴ նախագահ Վլադիմիր Պուտինի խոսքով՝ գործով, ընդհանուր առմամբ, կալանավորվել է 11 մարդ։ Նա ընդգծել է, որ այս հանցագործության բոլոր մեղավորները, կազմակերպիչները և պատվիրատուները կպատժվեն։
