07.10.2026 | 10:36
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Մայիսին սպասվում է Էրդողանի այցն ԱՄՆ
Քաղաքականություն
26.03.2024 | 14:30
Թուրքիայի նախագահ Ռեջեփ Թայիփ Էրդողանը մայիսին այցելելու է ԱՄՆ, որտեղ բանակցություններ է անցկացնելու նախագահ Ջո Բայդենի հետ, գրում է թուրքական Hurriyet-ը։
Լրատվամիջոցը նշում է, որ այցը ծրագրվում է՝ հաշվի առնելով Էրդողանի արտաքին քաղաքականության և անվտանգության հարցերով խորհրդական Ակիֆ Չաղաթայ Քըլըչի և ԱՄՆ նախագահի ազգային անվտանգության հարցերով օգնական Ջեյք Սալիվանի միջև շփումների արդյունքները։ Երկու երկրների պաշտոնյաների՝ վերջին շրջանում բարձր մակարդակի փոխադարձ այցերից հետո որոշ ժամանակ է, ինչ ջանքեր են գործադրվում նախագահներ Էրդողանի և Բայդենի հանդիպման կազմակերպման համար։
«Քըլըչ-Սալիվան հանդիպման ժամանակ համաձայնեցվել է Էրդողանի՝ Վաշինգտոն այցի ժամկետը։ Պայմանավորվածություն է ձեռք բերվել, որ եթե ԱՄՆ-ում ընտրական գործընթացի հետ կապված օրացույցում ոչինչ չփոխվի, Էրդողանը մայիսի երկրորդ շաբաթվա ընթացքում կմեկնի Վաշինգտոն։ Դրա հետ կապված բոլոր հայացքները կարող են ուղղված լինել մայիսի 9-ին կայանալիք Էրդողան-Բայդեն գագաթնաժողովին»,- գրում է լրատվամիջոցը։
Հավելենք, որ ԱՄՆ նախագահի պաշտոնում Ջո Բայդենի ընտվելուց հետո Էրդողանն ընդունելության չի արժանացել Սպիտակ տանը։
