07.10.2026 | 23:48
Արթուր Դանիելյանը կալանավորվեց
Բելգորոդի շրջանի ղեկավարը հայտնել է գնդակոծության հետևանքով երկու տուժածի, ՌԴ ՊՆ-ն՝ 13 խոցված «Վամպիրի» մասին
Քաղաքականություն
26.03.2024 | 11:34
Բելգորոդի շրջանի ղեկավար Վյաչեսլավ Գլադկովը հայտնել է մարտի 26-ի գիշերը շրջանի գնդակոծման մասին։ Նրա խոսքով՝ երկու մարդ վիրավորվել է։ Ռուսաստանի ՊՆ-ն պնդում է, որ 13 «Վամպիր» է խոցել։ Գիշերը Բելգորոդը կրակի տակ է հայտնվել, սակայն տեղական իշխանությունները հատուկ չեն միացրել հրթիռային նախազգուշացման ազդանշանը, ընդգծել է շրջանի ղեկավար Վյաչեսլավ Գլադկովը։
«Սա արվել է նրա համար, որ ինչ-որ մեկը, ազդանշանը լսելուց հետո, դուրս չթռնի փողոց, չնստի մեքենան և չսկսի այն վարել: Բոլորս էլ հասկանում ենք, որ հրթիռակոծության ժամանակ փողոցում գտնվելը շատ ավելի վտանգավոր է, քան տանը»,- գրել է նահանգապետն Telegram-ում:
Բելգորոդի շրջանի Դուբովոյե գյուղում, ըստ նախնական տեղեկությունների, երկու մարդ է տուժել, ասել է Գլադկովը։
ՀՕՊ ուժերը Բելգորոդի մոտակայքում 13 օդային թիրախ են խոցել։ ՀՕՊ-ն աշխատել է քաղաքում և Բելգորոդի շրջանում։
Ավելի ուշ ՌԴ ՊՆ-ն պարզաբանել է, որ դրանք «RM-70 Վամպիր» բազմակի արձակման հրթիռային համակարգի արկեր են։ Գերատեսչությունը նաև հայտարարել է Ուկրաինայի Զինված ուժերի կողմից արձակված երկու «Գրադ MLRS» արկերի խոցման մասին։
