25.06.2026 | 10:03
Կարապետ Գուլոյանի գործն ուղարկվել է դատարան․ պետությանը պատճառված վնասը գնահատվել է շուրջ 229 մլն դրամ
«Կրոկուսի» ահաբեկչության համար մեղադրվողները ցուցմունք են տվել պատվիրատուների մասին
Քաղաքականություն
25.03.2024 | 22:45
«Կրոկուս Սիթի Հոլում» ահաբեկչության համար մեղադրվողները մանրամասն ցուցմունքներ են տվել պատվիրատուների և այն անձանց մասին, ովքեր աջակցել են նախապատրաստմանը, «ՌԻԱ Նովոստի»-ի փոխանցմամբ՝ հայտնել է ՌԴ ՔԿ ղեկավար Ալեքսանդր Բաստրիկինը:
«Բոլոր մեղադրյալները հարցաքննության ժամանակ և դատարանում ընդունել են իրենց մեղքը և մանրամասն ցուցմունքներ են տվել հանցագործության կատարման հանգամանքների, պատվիրատուների և այն անձանց մասին, որոնք աջակցել են ահաբեկչության նախապատրաստմանը»,- զեկուցել է նա ՌԴ նախագահ Վլադիմիր Պուտինին:
Ավելի վաղ Բաստրիկինը հայտնել էր, որ որ «Կրոկուս Սիթի Հոլում» տեղի ունեցած ահաբեկչությունը մանրակրկիտ ծրագրվել է, զոհվել է 139 մարդ։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
