07.10.2026 | 17:05
Փաշինյանը սխալվում է․ կին համայնքապետեր ՀՀ-ում եղել են նաև 2018-ից առաջ
Իսրայելը ՀԱՄԱՍ-ին առաջարկել է փոխանակել գերիներին՝ 800-ը 40-ի դիմաց
Քաղաքականություն
25.03.2024 | 15:55
Իսրայելն առաջարկել է ՀԱՄԱՍ-ին 700-800 պաղեստինցի բանտարկյալների, որոնց թվում 100-ը՝ սպանության համար դատապարտված, փոխանակել 40 իսրայելցի պատանդների՝ կանանց, երեխաների, հիվանդների և տարեցների հետ։ Այս մասին գրում է Times of Israel-ը։
Նշվում է, որ համապատասխան փաստաթուղթն առաջարկներով փոխանցվել է ՀԱՄԱՍ-ի զինյալներին։
Փաստաթղթում ուրվագծվում է բոլոր պատանդների ազատ արձակման համար երեք փուլով համաձայնագրի՝ Իսրայելի առաջարկը, որում Իսրայելը «նոր ճկունություն է ցուցաբերել մի քանի առանցքային ոլորտներում», գրում է թերթը։
Բանակցությունների ընթացքում Իսրայելն առաջին անգամ հայտարարել է, որ պատրաստ է քննարկել պաղեստինցիների՝ Գազայի հյուսիսային հատված վերադառնալու թույլտվության հնարավորությունը: Միաժամանակ, Իսրայելը բացառել է Գազայի բնակիչների ամբողջական վերադարձը։
Հիշեցնենք, որ Իսրայելի պաշտպանության բանակը վերջերս հայտարարել էր 650 ահաբեկիչների և նրանց հրամանատարների գերեվարման մասին։
Ավելի վաղ Իսրայելի վարչապետ Բենիամին Նեթանյահուն մերժել էր ՀԱՄԱՍ-ի հետ զինադադարի համաձայնագրի մեկ այլ տարբերակ։
