30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Տաջիկստանը հերքել է իր քաղաքացիների մասնակցությունը «Կրոկուսում» տեղի ունեցած ահաբեկչությանը
Քաղաքականություն
23.03.2024 | 11:52
Տաջիկստանի քաղաքացիների մասնակցությունը «Կրոկուսում» տեղի ունեցած ահաբեկչությանը չի համապատասխանում իրականությանը, հայտնել է երկրի ԱԳՆ-ն տելեգրամյան իր ալիքում․ փոխանցում է rbc.ru-ն։
«Մենք ընդգծում ենք, որ տաջիկական կողմը հաստատում չի ստացել Ռուսաստանի պաշտոնական իշխանություններից Տաջիկստանի քաղաքացիների մասնակցության մասին ներկայումս շրջանառվող կեղծ տեղեկատվության մասին», – նշել են գերատեսչությունից և կոչ են արել կենտրոնանալ Ռուսաստանի իշխանությունների պաշտոնական տեղեկատվության վրա։
«Baza» և «Caution, News» տելեգրամյան ալիքները գրել են, որ ահաբեկչության մեջ կասկածվում են Տաջիկստանի քաղաքացիներ։ Նրանց տվյալներով՝ Բրյանսկի շրջանում կալանավորվել է մեքենա, որը նախկինում հետախուզվում էր հարձակման հետ կապված։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլլ»-ում կրակոցների մասին:
