12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Չինաստանը ռեկորդային թվով ռազմական ինքնաթիռներ է ուղարկել Թայվան
Քաղաքականություն
22.03.2024 | 19:47
Թայվանի պաշտպանության նախարարությունը հայտարարել է այս տարի կղզու շրջակայքում ամենամեծ թվով չինական ռազմական ինքնաթիռների առկայության մասին, հայտնել է France24-ը:
Նշվում է, որ 24 ժամվա ընթացքում պաշտպանական գերատեսությունը Թայվանի շրջակայքում հայտնաբերել է 36 չինական ռազմական ինքնաթիռ և 6 ռազմածովային նավ։
Հայտնաբերված ինքնաթիռներից 13-ը հատել են Թայվանի նեղուցի կենտրոնական գիծը, որը բաժանում է Չինաստանը կղզուց։ Վերլուծաբան Վեն Չի Սունգը կարծում է, որ Չինաստանի ռազմական ակտիվության աճը կարող է ուժի ցուցադրություն լինել՝ արտահայտելու իր դժգոհությունը Թայվանի աճող միջազգային ակտիվությունից:
Մեկ շաբաթ առաջ Թայվանը հայտարարեց, որ չինական առափնյա պահպանության նավերն առաջին անգամ մտել են կղզու իշխանությունների կողմից վերահսկվող ջրեր։
ԱՄՆ-ի հնդկախաղաղօվկիանոսյան հրամանատարության ղեկավար Ջոն Ակվիլինոն վստահ է, որ Չինաստանը մեծացնում է իր ռազմական հնարավորությունները և պատրաստ կլինի ներխուժել Թայվան մինչև 2027 թվականը։
