07.10.2026 | 15:44
ԱՄՆ-ում մահապատժի ընթացքում ողջ մնացած կինը գիտակցության է եկել
Դատարանը պատրաստվում է կալանք դնել Թրամփի ունեցվածքի վրա
Քաղաքականություն
22.03.2024 | 14:24
Նյու Յորքի գլխավոր դատախազությունն առաջին քայլն է արել ԱՄՆ նախկին նախագահ Դոնալդ Թրամփի ունեցվածքը բռնագրավելու ուղղությամբ՝ հրապարակելով Վեսթչեսթերի դատարանի որոշումները: Այստեղ է գտնվում նախկին նախագահի գոլֆի հանգստավայրը և մասնավոր կալվածքը, որը հայտնի է որպես Seven Springs, հաղորդում է CNN-ը:
Դատարանը նախկինում վճռել էր, որ Թրամփը, նրա կազմակերպությունը և բարձրաստիճան ղեկավարները, այդ թվում՝ Թրամփի երկու որդիները՝ Էրիկը և Դոնալդ կրտսերը, պատասխանատվություն են կրել խարդախության համար՝ նախկին նախագահի կարողությունը փոխելու նպատակով հարկային և ապահովագրական արտոնություններ ստանալու համար: Դատավորը պարտավորեցրել է նրանց վճարել, ընդհանուր առմամբ, 464 միլիոն դոլար՝ գումարած տոկոսները։
Թրամփն ընդամենը չորս օր ունի գումար գտնելու համար, որպեսզի վճարի վճռի իր մասը՝ 454 միլիոն դոլար՝ գումարած տոկոսները, մինչև Նյու Յորքի գլխավոր դատախազ Լետիցիա Ջեյմսը կսկսի առգրավել նրա ակտիվները:
Եթե Թրամփը գրավ մուծի, վճիռն ինքնաբերաբար կկասեցվի, մինչև նախկին նախագահը բողոքարկի դատարանի որոշումը։
Ավելի վաղ հաղորդվել էր, որ Նյու Յորքի դատարանը Դոնալդ Թրամփին մեղավոր է ճանաչել քաղաքացիական խարդախության մեջ, և նախկին նախագահն այժմ պետք է վճարի 354,9 միլիոն դոլար՝ գումարած տոկոսները։
