23.11.2024 | 15:55
Իսրայելի օդուժը հարվածներ է հասցրել Բեյրութի կենտրոնին ու արվարձաններին
ԵՄ երկրները հունվարին Ադրբեջանից 40,8%-ով պակաս նավթ են ներկրել
Քաղաքականություն
20.03.2024 | 20:20
Եվրամիության երկրները 2024 թվականի հունվարին Ադրբեջանից ներկրել են մոտ 1 մլն տոննա նավթ, ինչը 40,8 տոկոսով պակաս է նախորդ տարվա նույն ժամանակահատվածի համեմատ, գրում են ադրբեջանական լրատվամիջոցները՝ վկայակոչելով Եվրոստատի տվյալները։
Ադրբեջանից ԵՄ երկրներ մատակարարված նավթի արժեքը հաշվետու ժամանակահատվածում կազմել է 595,6 մլն եվրո (-44,8% տարեկան կտրվածքով)։
Եվրամիության երկրներից 2024 թվականի հունվարին Ադրբեջանից նավթի խոշորագույն ներկրողների եռյակում են Իտալիան՝ 579,5 հազար տոննա (338,1 միլիոն եվրո), Չեխիան՝ 207,7 հազար տոննա (120,6 մլն եվրո) և Պորտուգալիան՝ 138,3 հազար տոննա (82,7 մլն եվրո)։
2023 թվականին ԵՄ երկրներն Ադրբեջանից, ըստ Եվրոստատի տվյալների, ներմուծել են մոտ 20,3 միլիոն տոննա նավթ (2022 թվականի ցուցանիշից 2,6 տոկոսով ավելի)՝ շուրջ 12,4 միլիարդ եվրոյի (անկումը՝ 18 տոկոս):
Տարեվերջին Ադրբեջանը մտել էր ԵՄ նավթ արտահանողների տասնյակում՝ ԱՄՆ-ից, Նորվեգիայից, Ղազախստանից, Սաուդյան Արաբիայից, Լիբիայից, Իրաքից, Նիգերիայից, Մեծ Բրիտանիայից և Ռուսաստանից հետո։
