07.10.2026 | 11:33
ՄԱԿ-ի Մարդու իրավունքների խորհուրդը միաձայն ընդունել է Հայաստանի հեղինակած բանաձևը
ՌԴ Դաշնային խորհուրդը հաստատել է Ուկրաինայում պատերազմող պայմանագրային զինծառայողներին քրեական պատժից ազատելու մասին օրենքը
Քաղաքականություն
20.03.2024 | 18:27
ՌԴ-ում թեթև հանցագործության համար դատապարտված անձինք կկարողանան պայմանագրեր կնքել զինծառայության անցնելու համար։ Ծառայության ընթացքում իրական պատիժը կփոխարինվի պայմանական պատժաչափով, իսկ որոշ դեպքերում հանցագործները կազատվեն քրեական պատասխանատվությունից, գրում է ՌԴ Դաշնային ժողովի պաշտոնաթերթը՝ Պառլամենտսկայա գազետան։
Օրենքների այս փաթեթը, որը մշակվել է մի խումբ խորհրդարանականների կողմից, հաստատվել է Դաշնության խորհրդի կողմից մարտի 20-ին կայացած լիագումար նիստում։
Փաստաթուղթը լրացնում է Ռուսաստանի Քրեական և Քրեադատավարական օրենսգրքերի առանձին հոդվածները, որոնք սահմանում են մոբիլիզացիոն ծառայության զորակոչված կամ մոբիլիզացիայի ընթացքում, ռազմական դրություն կամ պատերազմի ժամանակ ՌԴ զինված ուժերի հետ պայմանագիր կնքած անձանց քրեական պատասխանատվությունից ազատելու գործող մեխանիզմը։
Պայմանագրի կնքումից անմիջապես հետո դատապարտյալի իրական պատիժը կփոխարինվի պայմանական պատժաչափով։ Եթե անձը նորից հանցանք գործի, կրկին բանտ կգնա, իսկ պայմանագիր կնքած կասկածյալների գործերը կկասեցվեն։
Այս իրավունքից չեն կարողանա օգտվել նրանք, ովքեր հանցագործություններ են կատարել անչափահասների սեռական անձեռնմխելիության դեմ, հանրային անվտանգության, սահմանադրական համակարգի և պետական անվտանգության հիմքերի, ծայրահեղական և դիվերսիոն հանցագործություններ։
