15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Նազարբաևի եղբորորդին 8 տարվա պայմանական ազատազրկման է դատապարտվել՝ իշխանության չարաշահման համար
Քաղաքականություն
20.03.2024 | 16:14
Ղազախստանի դատարանը Ազգային անվտանգության կոմիտեի նախկին փոխնախագահ Սամաթ Աբիշին դատապարտել է ութ տարի ժամկետով պայմանական ազատազրկման, «Կազինֆորմ»-ին հայտնել է սեփական աղբյուրը։
Դատավարությունն անցել է փակ դռների հետևում։
Սամատ Աբիշը դատապարտվել է 2022 թվականի հունվարյան անկարգությունների ժամանակ իշխանության չարաշահման համար։ Աբիշը երկրի նախկին նախագահ Նուրսուլթան Նազարբաևի եղբորորդին է։ 2013-2015 թվականներին նա աշխատել է Ազգային անվտանգության կոմիտեի նախագահի տեղակալի պաշտոնում, որից հետո եղել է նախագահի առաջին տեղակալը։
2022 թվականի սկզբին Ղազախստանում դավաճանության կասկածանքով կալանավորվել էր Ազգային անվտանգության կոմիտեի նախագահ Քարիմ Մասիմովը, հետաքննություն է անցկացվել իշխանության բռնազավթմանն ուղղված գործողությունների վերաբերյալ։ Ձերբակալվել են նաև Ազգային անվտանգության կոմիտեի նախկին փոխնախագահներ Անուար Սադիկուլովը և Դաուլետ Էրգոժինը։ Սամատ Աբիշն ազատվել է նախագահի առաջին տեղակալի պաշտոնից։
2022 թվականի սկզբին Ղազախստանում զանգվածային բողոքի ցույցեր տեղի ունեցան հեղուկ գազի գների բարձրացման դեմ։ Դրանք վերաճեցին զինված անկարգությունների։ Ղազախստանի նախագահ Կասիմ-Ժոմարտ Տոկաևը հայտարարեց, որ Ղազախստանի թշնամիները ցանկանում են զավթել իշխանությունը, ուստի նրանք կազմակերպել են «մանրամասն գործողություն», որին մասնակցել են նաև ռազմական և հատուկ գերատեսչությունների ղեկավարները։
