16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
ԵՄ ԱԳՆ ղեկավարները համաձայնեցրել են ՌԴ-ի դեմ նոր պատժամիջոցները Նավալնիի մահվան կապակցությամբ
Քաղաքականություն
19.03.2024 | 14:10
Եվրամիության անդամ 27 երկրների արտաքին գործերի նախարարները պայմանավորվել են պատժամիջոցներ կիրառել այն անձանց և կազմակերպությունների նկատմամբ, որոնք, ըստ ԵՄ-ի, կապված են ընդդիմադիր գործիչ Ալեքսեյ Նավալնիի մահվան հետ։ Այս մասին հայտարարել է եվրոպական դիվանագիտության ղեկավար Ժոզեպ Բորելը, փոխանցում է Reuters-ը։
Բորելի խոսքով՝ պատժամիջոցներ կկիրառվեն «մոտ 30 ֆիզիկական և իրավաբանական անձանց նկատմամբ, որոնք պատասխանատու են Նավալնիի սպանության համար»։
Նա չի նշել նրանց անունները, ում նկատմամբ սահմանվելու են պատժամիջոցները։
Ռուս ընդդիմադիր գործիչ Ալեքսեյ Նավալնին մահացել է փետրվարի 16-ին Յամալո-Նենեց ինքնավար օկրուգի Խարպ գյուղում գտնվող «Բևեռային գայլ» հատուկ ռեժիմի գաղութում։ Նրա մահվան եզրակացության մեջ նշվում է, որ պատճառները բնական են։ «Հակակոռուպցիոն հիմնադրամը» ստեղծողի կողմնակիցները կարծում են, որ նրան սպանել են։ Բանտարկության ընթացքում Նավալնիին 27 անգամ պատժախուց են ուղարկել։
Ալեքսեյ Նավալնիի մարմինը մորն են հանձնել միայն փետրվարի 24-ին։ Մինչ այդ, մայրը բողոքել էր Քննչական կոմիտեի վերջնագրից, որը պահանջում էր համաձայնել Նավալնիին առանց հրապարակային հրաժեշտի, գաղտնի հուղարկավորություն իրականացնել։ Լյուդմիլա Նավալնայան հրաժարվել է կատարել այս պահանջը։ Նավալնիի հուղարկավորությունը տեղի է ունեցել մարտի 1-ին Մոսկվայում՝ Բորիսովյան գերեզմանատանը։ Չնայած կալանավորման սպառնալիքներին՝ հազարավոր մարդիկ են մասնակցել քաղաքական գործչի վերջին հրաժեշտի արարողությանը։
