09.05.2024 | 10:09
Փաշինյանը Հաղթանակի և խաղաղության տոնի առթիվ այցելել է «Հաղթանակ» զբոսայգի․ ՏԵՍԱՆՅՈՒԹ
ՌԴ ԱԳՆ-ն մեկնաբանել է Փաշինյանի՝ Ադրբեջանի հետ պատերազմի սպառնալիքի մասին հայտարարությունը
Քաղաքականություն
19.03.2024 | 12:14
Հայաստանի վարչապետ Նիկոլ Փաշինյանի՝ Ադրբեջանի հետ պատերազմի սպառնալիքի մասին հայտարարությունը կապված չէ Ռուսաստանի հետ, դա Երևանի իշխանությունների իրավասությունն է և Արևմուտքի հետ նրանց խորհրդակցությունների արդյունքը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիան Զախարովան Telegram-ալիքում գրառմամբ, փոխանցում է ՌԻԱ Նովոստին:
Ավելի վաղ Հայաստանի վարչապետ Նիկոլ Փաշինյանը սահմանամերձ գյուղերի բնակիչների հետ զրույցում ասել էր, որ եթե Երևանը չկատարի Բաքվի պահանջը՝ մի շարք սահմանամերձ գյուղեր փոխանցել Ադրբեջանին, ապա պատերազմ կսկսվի։
«Նկատի ունեցեք, որ այս հայտարարությունը որևէ կերպ կապված չէ Ռուսաստանի հետ, սա Երևանի ներկայիս իշխանությունների բացառիկ իրավասությունն է և Արևմուտքի հետ նրանց խորհրդակցությունների արդյունքը»,- նշել է Զախարովան։
