Բաքուն նոր սպառազինության համար դիմել է Իսրայելին, սակայն Թել-Ավիվը զգուշավորություն է ցուցաբերում

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ադրբեջանը ռազմական տեխնիկայի գնումների նոր ցուցակ է ներկայացրել Իսրայել Պաշտպանության նախարարություն։ Բաքվի ցուցակում ներառված են երկու Ofeq տիպի բարձր լուծաչափով լրտեսական արբանյակներ՝ մեկ մետրից պակաս թույլատրելիությամբ, գրում է Shephard media-ն։

Իսրայելական աղբյուրները հայտնել են, որ Ադրբեջանի և Հայաստանի միջև լարվածությունը կարող է ավելի մեծանալ, քանի որ Հայաստանը վերջերս պատվիրել է հնդկական արտադրության Advanced Towed Artillery Gun System (ATAGS) համակարգեր։

Իսրայելը, որն Ադրբեջանին զենքի հիմնական մատակարարն է, շատ սերտ պաշտպանական կապեր ունի Բաքվի հետ՝ Իրանի հետ իր հարավային սահմանի պատճառով: Լրատվամիջոցը նշում է, որ Ադրբեջանի և Հայաստանի միջև մարտերի ընթացքում իսրայելական զենքի համակարգերը, ինչպիսիք են Lora հեռահար հրթիռը և Harop համակարգը, այլ զենքերի հետ միասին լայնորեն օգտագործվել են ադրբեջանցիների կողմից։ Բաքուն նաև խնդրել է ավելի մեծ մարտագլխիկներ ունեցող սպառազինության համակարգեր տրամադրել:

Ադրբեջանը շահագործում է նաև IAI-ի արտադրության Barak-MX հակաօդային պաշտպանության համակարգը։ Այս տարեսկզբին Բաքուն Իսրայելից խնդրել է SpyX համակարգը, որը արտադրվել է իսրայելական BlueBird Aero Systems ընկերության կողմից:

Իսրայելական աղբյուրները Shephard-ին հայտնել են, որ ադրբեջանցիների կողմից իսրայելական «Sky Dew» աերոստատի տեղակայման մասին հաղորդագրությունը ճիշտ չեն։ Իսրայելական այս համակարգը բաղկացած է բարձր թռչող աերոստատից, որը կրում է Elta հեռահար ռադար:

Վերջերս Բաքուն Իսրայելի պաշտպանության նախարարությունից խնդրել է պաշտպանական համակարգերի ցանկ, որոնք, ըստ իսրայելական աղբյուրների, ներառում են լրացուցիչ զենքերի համակարգեր՝ ավելի ծանր մարտագլխիկներով, հակատանկային զենքեր, շատ առաջադեմ ցանցային կապի համակարգեր և EW համակարգեր:

Ըստ իսրայելական աղբյուրների՝ քանի որ ԱՄՆ-ը ներգրավված է եղել Ադրբեջանի և Հայաստանի միջև ռազմական գործողությունները դադարեցնելու ջանքերում, «Իսրայելի պաշտպանության նախարարությունը շատ զգույշ կլինի որոշ համակարգերի արտահանման թույլտվություններ տրամադրելիս»:

«Այնպես չէ, որ ամերիկացիները հրամայել են Իսրայելին հատուկ համակարգեր չվաճառել, սակայն Իսրայելը զգում է, որ այս պահին ոչ բոլոր դիմումները պետք է հաստատվեն»,- ասել է բարձրաստիճան աղբյուրը լրատվամիջոցին։

Նշենք, որ ավելի վաղ ադրբեջանական լրատվամիջոցները, իսրայելական ԶԼՄ-ներին վկայակոչելով, հայտնել էին, որ Բաքուն Իսրայելից գնել է Sky Dew աերոստատ, որը հագեցած է հրթիռների ու ինքնաթիռների հայտնաբերման առաջատար համակարգով։ Sky Dew-ի խնդիրն է՝ հայտնաբերել թևավոր հրթիռներ, անօդաչու սարքեր և այլ առաջադեմ օդային սպառնալիքներ, որոնք թռչում են ցածր բարձրության վրա, և նախազգուշացնել այդ մասին:

Sky Dew աերոստատն իր տեսակի մեջ ամենախոշորներից է և մշակվել է Իսրայելի հակահրթիռային պաշտպանության ձեռնարկության և ԱՄՆ-ի հակահրթիռային պաշտպանության գործակալության կողմից: Քանի որ այս համակարգը մշակվել է ԱՄՆ-ի հետ, ամենայն հավանականությամբ, դրա վաճառքի համար պահանջվում է նաև Միացյալ Նահանգների հավանությունը։

Էմմա Չոբանյան