23.06.2026 | 16:06
Ուրսուլա ֆոն դեր Լեյենը հուլիսի 1-ին Հայաստան կայցելի. Politico
Երևանում և Գյումրիում անցկացված ՌԴ նախագահական ընտրությունների քվեարկությանը, ըստ Exit Polls-ի, Պուտինը չի հաղթել
Քաղաքականություն
18.03.2024 | 12:07
ՌԴ նախագահական ընտրություններում քվեարկության համար ՀՀ-ում բացվել էր երկու ընտրատեղամաս՝ Երևանում Ռուսաստանի դեսպանատանն ու Գյումրիում գլխավոր հյուպատոսությունում։
Ըստ Exit Polls-ի տվյալների, որի շրջանակում Գյումրիում հարցման մասնակցել է 690 ընտրող, 21 տոկոսը քվեարկել է Վլադիմիր Պուտինի, 48 տոկոսը՝ Վլադիսլավ Դավանկովի, 1 տոկոսը՝ Լեոնիդ Սլուցկիի, իսկ 2 տոկոսը՝ Միխայիլ Խարիտոնովի օգտին։
Երևանում հարցումը կատարվել է 3,213 ընտրողի շրջանում։ Նրանց 8 տոկոսը քվեարկել է Պուտինի, 63 տոկոսը՝ Դավանկովի, մեկական տոկոս էլ՝ Սլուցկիի և Խարիտոնովի օգտին։
ՌԴ նախագահական ընտրություններն անցկացվել են մարտի 15-ից 17-ը։ Դրանց մասնակցում էր չորս թեկնածու՝ գործող նախագահ Վլադիմիր Պուտինը, Լեոնիդ Սլուցկին՝ Ռուսաստանի Լիբերալ-դեմոկրատական կուսակցությունից, Նիկոլայ Խարիտոնովը՝ Կոմունիստական կուսակցությունից և Վլադիսլավ Դավանկովը՝ «Նոր մարդիկ» կուսակցությունից։
